影片
更多
2011-01-30
19 瀏覽
11月6日, 今晚同呀比去紅館睇期待已久嘅黃子華棟篤笑~ 有時間多就走過嚟黃埔呢頭搵野食! 呢間主打雞翼嘅美式小店好有趣, 我地經過嗰時咁啱仲有tea set, 所以就入去試下喇~::: 燒汁磨菇安格斯牛肉漢堡 + 薯條 + 凍榛子朱古力 ::: $39 + $2本身對磨菇加牛肉呢個配搭已經有偏愛, 呢個漢堡仲話係用安格斯牛肉添! 由於同呀比兩份食, 所以亦叫咗師傅幫我地切開一半~ 切開個包之後可以見到d餡料都幾厚! 除咗燒汁磨菇同安格斯牛肉之外, 仲有芝士、生菜、茄汁同芥末醬. 個包本身幾硬淨, 唔會淋patpat, 咬落亦算鬆軟. 餡料方面因為個牛肉似係牛扒咁嘅質地, 味道有少少牛味但比較難咬. 磨菇就燒汁唔夠, 但都幾爽口. 不過呀比嗰半包就話芥末醬太多, 多到蓋過牛肉味… 但我嗰邊就唔覺~ 可能係搽得唔均勻嘅關係吧…薯條標榜用薯味更濃郁嘅加拿大黃金粗薯條… 又真係無揀錯食材wor! 薯條夠粗碌之餘絕對夠外脆內軟, 薯肉豐富~ 讚!!凍榛子朱古力味道濃郁, 飲得到沙沙的朱古力粉口感~ 質素同外邊d coffee shop有得揮~ 好飲!!!::: 下午茶 小食拼盤 + 莫卡咖啡
::: 燒汁磨菇安格斯牛肉漢堡 + 薯條 + 凍榛子朱古力 ::: $39 + $2
本身對磨菇加牛肉呢個配搭已經有偏愛, 呢個漢堡仲話係用安格斯牛肉添! 由於同呀比兩份食, 所以亦叫咗師傅幫我地切開一半~ 切開個包之後可以見到d餡料都幾厚! 除咗燒汁磨菇同安格斯牛肉之外, 仲有芝士、生菜、茄汁同芥末醬. 個包本身幾硬淨, 唔會淋patpat, 咬落亦算鬆軟. 餡料方面因為個牛肉似係牛扒咁嘅質地, 味道有少少牛味但比較難咬. 磨菇就燒汁唔夠, 但都幾爽口. 不過呀比嗰半包就話芥末醬太多, 多到蓋過牛肉味… 但我嗰邊就唔覺~ 可能係搽得唔均勻嘅關係吧…
薯條標榜用薯味更濃郁嘅加拿大黃金粗薯條… 又真係無揀錯食材wor! 薯條夠粗碌之餘絕對夠外脆內軟, 薯肉豐富~ 讚!!
凍榛子朱古力味道濃郁, 飲得到沙沙的朱古力粉口感~ 質素同外邊d coffee shop有得揮~ 好飲!!!
::: 下午茶 小食拼盤 + 莫卡咖啡 ::: $30
小食拼盤有兩隻雞翼、三個洋蔥圈同埋兩條魚手指. 一個拼盤幾乎可以試晒d小食, 實在唔錯! 先講呢度主打嘅雞翼, 可能因為係tea set關係無比我地揀dipping… 但就有個點魚手指嘅他他醬. 雞翼本身炸得脆而乾身, 唔會好油~ 雞肉亦頗嫩, 點下個他他醬食又有第二種味道~ 唔錯, 但如果話係主打… 可能真係要試多幾隻點多幾隻醬先知… 洋蔥圈同魚手指擺到明係包裝雪藏貨, d洋蔥圈係典型美式快餐店嗰隻, 肥脹厚實但粉醬過多! 完全無新鮮洋蔥嘅爽脆… 魚手指比洋蔥圈好, 炸得夠脆同乾身, 但本身魚肉質地好似茸茸地, 魚味欠奉但有醬汁搭救咁啦…
莫卡咖啡只用紙杯仔上, 唔熱, 麻麻地…
好笑嘅地方係, 佢本身下午茶餐係可以揀罐裝汽水的, 但竟然說只有不凍的, 另加冰要加$2, 那汽水有乜野意思, 不如俾個熱的可樂我吧… 小店得兩三張小圓台, 環境狹窄. 勝在食物都係即叫即整, 雖然唔係所有食物都好好食, 但起碼感覺到佢地有落心機去整~ 主打嘅雞翼熱狗未試真, 但薯條同朱古力就俾到我地意外驚喜!
張貼
