影片
更多
2019-03-06
333 瀏覽
上一篇係2017年寫嘅麵包，整合下2018年嘅先（2019都來了…），基本上東海堂啲袋裝麵包都試過哂了，有啲試一次就夠，有啲就不停encore。呢款黑糖合桃提子包幾好食，甜甜地有少少黑糖味，合桃同提子都下得多嘅，美中不足係非預切，拎出黎切啲粉跌到周圍係。話係日本技術嘅和軟方包，但其實特別在邊度呢？食落同一般方包無分別，仲好鞋口下，試一次就夠了。牛乳包一袋有六個，幾香牛奶味，但個人覺得同系列嘅牛乳方包更鬆軟同更有奶味。抹茶紅豆方包基本上無得輸，重綠茶味又有紅豆甜甜地，咁嘅價錢呢個綠茶味收貨有餘了。紫薯包中間有紫薯蓉做餡，甜甜地又有紫薯香，勁厚切一塊飽肚，但紫薯蓉時多時少很不穩定。芝士條芝味不濃，只屬過下口引類。個裝包芝士腸仔包，可能返到公司先食嘅關係，膠袋入面出哂油，睇見都唔開胃，味道就係一般腸仔包，勝在用上脆皮腸。紅豆餡嘅銅鑼燒，有日特價就買左兩個黎試下。無特別，同75x，凱x等一樣味，一試無妨嘅。一系列連鎖麵包店中，個人覺得東海堂較好食，價錢亦親民，買一袋家庭裝麵包可以當幾日早餐了。
呢款黑糖合桃提子包幾好食，甜甜地有少少黑糖味，合桃同提子都下得多嘅，美中不足係非預切，拎出黎切啲粉跌到周圍係。
話係日本技術嘅和軟方包，但其實特別在邊度呢？食落同一般方包無分別，仲好鞋口下，試一次就夠了。
牛乳包一袋有六個，幾香牛奶味，但個人覺得同系列嘅牛乳方包更鬆軟同更有奶味。
抹茶紅豆方包基本上無得輸，重綠茶味又有紅豆甜甜地，咁嘅價錢呢個綠茶味收貨有餘了。
紫薯包中間有紫薯蓉做餡，甜甜地又有紫薯香，勁厚切一塊飽肚，但紫薯蓉時多時少很不穩定。
芝士條芝味不濃，只屬過下口引類。
個裝包芝士腸仔包，可能返到公司先食嘅關係，膠袋入面出哂油，睇見都唔開胃，味道就係一般腸仔包，勝在用上脆皮腸。
紅豆餡嘅銅鑼燒，有日特價就買左兩個黎試下。
無特別，同75x，凱x等一樣味，一試無妨嘅。一系列連鎖麵包店中，個人覺得東海堂較好食，價錢亦親民，買一袋家庭裝麵包可以當幾日早餐了。
張貼
