下站帖 (已結業)

同朋友來飲呢度嘅黑糖系列，分別叫左杯波霸厚醇奶同黑糖芝士厚醇奶。波霸厚醇奶呢個係店入面既top1，當然要叫返杯試下。一飲就覺得奶味好突出，奶味之中夾雜絲絲嘅黑糖甜味，但卻不甜膩，珍珠亦都好好咬好彈牙。黑糖芝士厚醇奶奶味亦都非常重，整體味道都唔算太甜。特別之處係厚厚嘅奶蓋上有層特意燒過嘅焦糖，奶蓋味道酸甜軟滑，好Creamy。本來以為呢間野同其他台式飲品店一樣無得揀甜度，所以無特別order，但估唔到正常嘅甜度都唔係太甜。我覺得相對起老x堂，呢間嘅黑糖系列並不太甜，比較適合我口味，飲曬成杯唔會好膩。佢仲有個最佳飲用絕招比埋大家，大家飲之前記得跟住做啦！