AMONA

營業中

休息中

適逢有屋企人生日，一向都係我負責訂蛋糕，媽媽唔鍾意太甜嘅蛋糕，所以要搵一啲係低糖，比較健康嘅蛋糕。上網見到Amona所有嘅蛋糕係每日人手新鮮製造，冇落防腐劑，主打無麩質，純素低糖蛋糕。店主成日會研究啲新產品，今次試咗佢最新出嘅黑芝麻豆腐慕絲戚風蛋糕，材料係有玄米果仁碎，雲呢拿忌廉，日本九鬼黑芝麻醬，黑芝麻鮮忌廉，有機豆乳慕絲，黑芝麻戚風蛋糕。黑芝麻味道超級濃郁，好似平時食緊嘅芝麻糊一樣，忌廉香滑不油膩，玄米果仁碎香脆可口，豆乳慕絲口感順滑，戚風蛋糕入口鬆軟，我哋都好鍾意佢天然嘅味道唔會太過甜。