影片
更多
2011-10-19
48 瀏覽
早兩星期係黑食會的第三擊, 是次係由串爆揸莊! 串爆為左呢黑食會, 特意揀左一間較為冷門嘅食店, 仲預留左特別菜式, 四大食團諗住當晚去隊鑊勁; 點知當天早上收到個不幸消息, 就係肥鄧遇襲中伏, 需要在家好好休養! 四大欠一似乎唔太似樣, 所以同串爆密針後, 決定將原先嘅黑食會改期, 好等肥鄧復完後再一齊去!但由於大聲, 串爆同吹雞都預留左時間比黑食會, 為免失手勢決定臨時搵個地方聚下, 黑食會嘅聚會款式和地點當然首推打邊爐, 冇個爐點似樣, 於是吹雞決定帶埋大聲同串爆, 齊齊去搵老三聚舊! 最重要係大聲同串爆之前都未認識老三, 於是拿拿聲打比老三, 佢一聽到係吹雞打黎當然知定, 自動自覺幫手留番張枱!話時話都好耐冇搵過老三, 唔知有冇失手勢呢? 於是同串爆準時去到, 坐底後就睇下有咩好食, 要咩湯底咁啦; 其實黎得搵老三, 招牌鴨湯做湯底都應該走唔甩, 加上大聲同串爆從未試過, 所以當然都要一試, 三個人揀左半隻鴨做湯底, 再慢慢揀定其仔食物, 等埋大聲一到, 就可以即刻開餐!由於大聲未到, 所以就決定揀款小食咬住等, 串爆揀左孜然牛肉! 孜然牛肉嘅牛肉就好鬆身, 第一啖入口覺得香料
但由於大聲, 串爆同吹雞都預留左時間比黑食會, 為免失手勢決定臨時搵個地方聚下, 黑食會嘅聚會款式和地點當然首推打邊爐, 冇個爐點似樣, 於是吹雞決定帶埋大聲同串爆, 齊齊去搵老三聚舊! 最重要係大聲同串爆之前都未認識老三, 於是拿拿聲打比老三, 佢一聽到係吹雞打黎當然知定, 自動自覺幫手留番張枱!
話時話都好耐冇搵過老三, 唔知有冇失手勢呢? 於是同串爆準時去到, 坐底後就睇下有咩好食, 要咩湯底咁啦; 其實黎得搵老三, 招牌鴨湯做湯底都應該走唔甩, 加上大聲同串爆從未試過, 所以當然都要一試, 三個人揀左半隻鴨做湯底, 再慢慢揀定其仔食物, 等埋大聲一到, 就可以即刻開餐!
由於大聲未到, 所以就決定揀款小食咬住等, 串爆揀左孜然牛肉! 孜然牛肉嘅牛肉就好鬆身, 第一啖入口覺得香料都幾濃, 但當食多兩三件後就覺得一般, 基本上呢款小食, 唔吃亦冇咩損失! 至於其他配料, 就揀左安格斯, 牛骨髓, 四寶丸, 粟米, 時蔬, 廣島蠔, 黑草羊片, 白鱔片, 魚皮餃! 不過最想要嘅龍蝦丸就冇, 令人有少少失望!
大聲一到就拿拿聲打著個爐, 隨即入單! 當個湯底滾到咁上下, 枱面就已經放滿食物, 喺呢一刻伙計亦埋黎招呼, 對於呢個場面, 吹雞當然見怪不怪, 反觀串爆同大聲有少少希奇, 說時遲那時快, 伙計已將個鴨湯分了三碗, 效率奇高! 未打邊爐先飲鴨湯, 對於串爆同大聲應該幾特別; 於是先試下個鴨湯底, 湯底鴨味真係好重, 但又唔油亦唔酥, 味道夠濃而不咸, 好鬼惹味, 到最後每人都飲左兩碗先收科, 你話個湯底掂唔掂呢?
飲完個湯後就即刻開餐, 第一樣通常都係食牛肉, 通常都係食本地手切, 不過串爆對安格斯牛肉心有獨鍾, 所以是次亦係第一次用食安格斯牛肉打邊爐, 牛肉切得好薄, 放湯拖一拖就食得, 牛肉鬆軟, 而且有牛肉味, 水準甚佳, 掂喎! 黑草羊片亦係切得好薄, 羊肉唔太肥, 入口香酥鬆軟, 勁正; 安格斯牛肉同黑草羊片都值得推介!
廣島蠔同鱔片亦都係另一樣高水準, 廣島蠔都幾大隻, 入口發覺非常新鮮, 半點苦味都冇, 而蠔身亦夠肥美, 膏亦甚多, 一碟六隻, 我吹雞竟然食左三隻, 所以好肯定廣島蠔絕對係高水準; 至於鱔片一碟得六七片, 真係少得可憐, 不過鱔片真係切得薄, 冇碎骨, 而且絕對唔腥, 都真係食得過架!
魚皮餃絕對係打邊爐必備, 而呢度嘅魚皮餃都幾好, 最重要係冇碎骨, 加上放湯浸得勁耐, 所以勁入味, 魚皮餃皮帶微中, 餡料鬆軟, 讚呀! 四寶丸有牛肉丸, 豬肉丸, 鯪魚球和墨魚丸, 每款丸類都係手打, 肉質鬆軟爽口, 不錯; 牛骨髓就普普通通, 冇咩特別! 至於粟米鮮甜冇渣, 時蔬就有好幾款, 每款菜真係洗得幾乾淨, 而且賣相靚仔, 仲有一樣好就係唔太chok, 真材實料架!
食到咁上下加單都少不免, 但真係估唔到串爆係咁爆鍾意食牛肉, 起先加單揀左款細嘅安格斯, 黎到後覺得貨不對辦, 皆因細嘅價錢冇平一半, 但份量至少少左一半, 喺經濟角度下, 決意更換番一碟大; 再加牛心椗同芝心丸, 兩款食物都合格但並無驚喜! 打邊爐最住配搭係可樂或啤酒汽, 是晚好想啤一啤, 呢度啤酒選擇甚多, 價錢款款不同, 當然黑食會就梗係揀款最平的啦! 總括黎講食物質素甚高, 款式亦多, 而打邊爐最重要係湯底靚同配料新鮮, 老三就真係兩樣都做到; 環境光猛舒服, 而且服務態度友善, 伙計耐唔耐會行埋黎將湯面啲油主動撈起, 淨係呢種主動表現已經值得加分! 價錢唔係太貴, 三個人食咁多野, 埋單唔使九舊水, 每人二百九十, 都算抵食! 四個人嘅黑食會因著肥鄧重傷而變成三個, 即食由打麻雀改為玩鬥地主啦, 冇左肥鄧真係唔多似樣, 不過臨時臨急搵到老三, 亦為黑食會之三缺一劃上完美句號, 笑臉比硬, 肯定會再黎!
張貼
