一點心 (通菜街)

營業中

休息中

一直想試依間嘅點心，但次次都大排長龍，今次竟然唔駛等位，咁就一於要試吓喇!我地點左四樣野:1. 時令老火湯~霸王花瘦肉湯好足料，好多湯渣，味道清甜，飲番碗熱湯，成個人感覺好舒服。2. 鱆魚肉餅飯家常餸菜我最鍾意食係肉餅，厚厚的，食到一粒粒鱆魚，好味道。3. 蒜香蝦春卷炸到金黃色，脆卜卜，裏面有材料豐富，一啲都唔油膩。4. 香煎馬蹄糕表面煎得好脆，好香口，食到一粒粒馬蹄，煙煙軔軔，有口感，甜度適中，好好味每樣野都係廿幾蚊，都算抵食!