譽滿點心專門店 (已搬遷) 新店位置

《譽滿點心專門店》我其實幾鍾意食點心！得閒都會口痕想食！今次同屋企人去咗呢間點心餐廳～ 🥢青芥末子母蝦餃(3隻，$28）🥢蜜汁叉燒腸($22)🥢山竹牛肉球($20)🥢鮑汁花生炆鳳爪($32)🥢新疆棗皇糕($24)🥢原粒紅豆糕($20)🥢涼拌黑木耳拼青瓜($19)🫖茶位 ($5)我地總共點咗以上呢幾款點心，個蝦餃幾得意有粒細蝦餃喺大蝦餃上面，咬開原來係芥末嚟！但覺得味道有啲唔夾，都係鍾意食返傳統蝦餃多啲！叉燒腸就普通，因為佢個粉皮好厚～ 牛肉球正常，但唔知點解啲汁好多🤣 鳳爪幾好食🤣 鍾意佢煮到淋淋地好易甩骨！至於2款甜品同前菜就屬正常。嗰日嚟嘢食係小菜+甜品一齊上，之後先熱食，希望可以改善下啦因為如果係咁甜品要擺好耐先食到～ 同埋啲服務態度都係有需要改善。