影片
更多
2019-04-22
257 瀏覽
復活節假期的最後一日。訓醒想食點心，所以同太太去咗區內呢間食評唔錯的點心店。店內食客很多，但我地被安排坐係單邊二人位。我地總共叫咗 5 樣點心：1. 黑椒金錢肚 ($24)- 有白蘿蔔o係底，味道夠濃，但牛肚有點硬 2. 原汁蜜味叉燒包 ($19) - 夠熱，夠味，內有少量肥豬肉 3. 鮮蝦野菌春卷 ($21) - 蝦味普通，野菌不多，但油份太多! (春卷舖底的白色牛油紙已變為透明。我再用紙巾幫春卷吸油，但食落仲係好油膩) 4. 農埸蛋牛肉飯 ($26) - 蛋煎得過熟，牛肉味道一般 5. 鮮蝦菜苗餃 ($24) - 太太食咗一粒，話味道偏淡。所以我問侍應拎咗辣椒油我夾起一隻菜苗餃，先點辣椒油，再咬一半。Oh my god! 我竟然見到一條頭髮! 我先將半粒有頭髮的菜苗餃放係自己碗里，再映相，方便寫食評。然後叫一個男侍應過來，同佢講菜苗餃有頭髮，叫佢取消呢款點心。再叫多一樣點心，鮮竹卷。男侍應將最後一粒菜苗餃拎走後，好快就有另一個女侍應走過來，話同我換碟，將我o既碗碟，連同果半粒有頭髮o既菜苗餃收走咗。但我坐多2 分鐘，感覺點心有頭髮，非常噁心。所以決定取消鮮竹卷。另一位店員(全埸得
店內食客很多，但我地被安排坐係單邊二人位。我地總共叫咗 5 樣點心：
1. 黑椒金錢肚 ($24)- 有白蘿蔔o係底，味道夠濃，但牛肚有點硬 [整體不錯]
2. 原汁蜜味叉燒包 ($19) - 夠熱，夠味，內有少量肥豬肉 [整體不錯]
3. 鮮蝦野菌春卷 ($21) - 蝦味普通，野菌不多，但油份太多! (春卷舖底的白色牛油紙已變為透明。我再用紙巾幫春卷吸油，但食落仲係好油膩) [除咗油份超級多，整體不錯]
4. 農埸蛋牛肉飯 ($26) - 蛋煎得過熟，牛肉味道一般 [整體一般]
5. 鮮蝦菜苗餃 ($24) - 太太食咗一粒，話味道偏淡。所以我問侍應拎咗辣椒油
我夾起一隻菜苗餃，先點辣椒油，再咬一半。Oh my god! 我竟然見到一條頭髮! 我先將半粒有頭髮的菜苗餃放係自己碗里，再映相，方便寫食評。然後叫一個男侍應過來，同佢講菜苗餃有頭髮，叫佢取消呢款點心。再叫多一樣點心，鮮竹卷。男侍應將最後一粒菜苗餃拎走後，好快就有另一個女侍應走過來，話同我換碟，將我o既碗碟，連同果半粒有頭髮o既菜苗餃收走咗。
但我坐多2 分鐘，感覺點心有頭髮，非常噁心。所以決定取消鮮竹卷。另一位店員(全埸得佢一個著黑衫，應該係部長)話點心已經蒸緊，唔可以取消。我話因為菜苗餃有頭髮，鮮竹卷都唔想食了。佢繼續話:「你都味食，你點知呢樣會有問題」。我同黑衫職員大聲理論咗幾句。可能因為我講野大聲，好多食客都望住我，所以最後店舖都幫我取消咗鮮竹卷。
我覺得作為食店，食物味道，係其次，而且價錢、環境和食物質素，亦係考慮因素。但最基本，同最重要，係「衛生」。另外，員工服務態度，亦係我本人選擇食店，和會否再幫襯之該食店重要因素。
比起酒樓，呢間點心舖點心價錢係平Ｄ (我地埋單$100)。我亦明白今次點心有頭髮可能係個別事件。但佢(黑衫員工) 咁ｏ既服務態度，我已後都不會幫襯呢間功夫點心分店了。
題外話/補充資料：
我唔係想叫佢取消全單(或威脅佢話報食環署揾著數)。我只係1) 叫佢取消有問題點心，和2)取消後加點心 (因為受食咗有問題點心影響)。
(以上食評乃用戶個人意見 , 並不代表OpenRice之觀點。)
張貼
