八月小品 (已結業)

星期日橫風橫雨去飲茶，諗住唔使點等位，點知都係成村人等，好在用左apps令飛排隊，去到等一張枱。其他餐廳都應該學下，唔使食客呆等。講番飲茶既點心，一行四人，食左以下既野：鑊仔煎釀三寶有釀青，紅尖椒，茄子，豆腐。尖椒同茄子都一貫好味，但豆腐好似雪過龍，好硬同上次食既質感外脆內軟唔一樣。百花釀魚肚呢間既魚肚係出面少有咁大件，配爽口蝦膠，好味。柚皮鴨掌柚皮夠厚又入味，但鴨掌略有雪味。珍珠雞餡不多，幸好糯米都有荷葉香。鳳爪排骨飯飯粒偏淋，排骨有少少酸味。之前黎食過飯粒分明的，今次質素下降。椒鹽魷魚鬚椒鹽味okay, 魷魚鬚部份新鮮，部份唔新鮮扣分。椒鹽小黃魚上次食魚新鮮，外脆內軟，今次雖然炸得外皮都脆，但魚比較腥。馬蹄糕馬蹄爽甜，糕有黑糖味，唔錯。呢間酒樓既點心上台時都好熱辣辣，抵讚，但食物質素真係要多控制，先可以保持水準。