譽點精緻點心

營業中

休息中

一向都喜歡飲茶，最好叫埋一班朋友嗌返一盅兩件慢慢歎，傾下偈。但係今時今日飲茶唔再係要一班人先可以去，就好似杏花村呢間譽點，好似快餐店咁樣，一卡卡座位，自己一個人食係呢度飲茶都唔會尷尬。 之前都試過自己一個人嚟食，當然一個人就叫唔到好多點心，最多叫兩樣。之前試過燒賣同蝦腸味道都好ok，價錢亦都唔貴，茶位四蚊一個，免加一，平過一般酒樓。 今次就試咗個鳳爪排骨飯及蒸蘿蔔糕，可惜就有少少失望，鳳爪排骨飯有啲濕，比起上次差咗;蘿蔔糕同樣情況都係好濕，冇乜口感，不過蒸蘿蔔糕就唔係度度有得食，都值得一試。