囍運冰室 (淘大商場)

營業中

休息中

囍運舖位嘅前身，係喜喜冰室。呢一間舖頭臨開業之前，已經得罪咗一班淘大嘅街坊，所以大家對佢嘅觀感好麻麻。我食過旺角嗰間囍運，味道就一般，唔知嚟到牛頭角，會唔會好食左呢？晚飯時間，我叫咗一個黯然銷魂飯（叉燒煎蛋飯）。佢啲叉燒好甜，應該落咗好多蜜糖落去燒，而且佢嘅叉燒其實係有啲肥嘅，雖則話半肥瘦嘅叉燒係好好食，但太多肥膏，始終都唔啱香港人。太陽蛋非常之橙色，橙色都唔係好敢食，但食落味道OK。黯然銷魂飯，豉油都係一個重點，唔知係咪近排油價太貴，所以連豉油都要慳啲使。唔係好夠豉油，識食落乾爭爭，只能夠靠隻蛋嘅蛋黃汁撈飯。佢杯奶茶，應該係成個餐裏面最出色嘅要食乜。加分！整體而言，呢個黯然銷魂飯，冇敏華嗰個咁好食，以呢個價錢嚟講，我亦都覺得一般水準。但你問我，我都會推介呢一個叉燒飯。