鼎泰豐

營業中

休息中

呢排海港城成日搞埋啲優惠券計劃，搞到人山人海，想搵啲嘢食都冇。但其實一橋之隔，新港中心有好多好嘢食，就好似呢間鼎泰豐咁。嗰日我哋喺海港城搵唔到嘢食就去咗呢一度。蒜蓉炒菜心苗好香蒜蓉味。啲菜好嫩。擔擔撈麵好香花生味，唔係好辣，好好食。去鼎泰豐唔少得小籠包，皮薄多汁，嚟親一定要叫。不過鼎泰豐啲嘢每一份比較細，雖然唔貴。我哋都唔夠飽，決定加多碗麵，所以就叫咗呢一份紅燒牛肉麵。牛肉麵湯濃淡適中，牛肉非常嘅腍，我哋都覺得好好食。最後我哋都再加多份菜肉包先夠飽。但總結成餐都好平，亦都識到好多唔同嘅嘢，覺得下次唔需要同海港城裏面啲人爭嘢食。