臨記車仔麵 (已結業)

呢日女編陪男編去左佢母校個邊探個就黎榮休既老師，之後就係個頭食埋野先返屋企！男編話已經好耐無返黎呢邊，呢度變化都唔少，無乜胃口既我見到有麵食就入左去！我地搵好位坐低之後就睇有咩好食呢日我真係無乜胃口，所以淨係要左碗5寶紫菜湯，入面有齊魚旦、魚片、墨丸、牛丸、魚皮餃、紫菜同菜心！本身口淡淡既我，飲左幾啖紫菜湯之後胃口開返啲！魚片有兩片牛丸都幾彈！但自己都係偏愛墨丸同魚皮餃男編就要左碗牛筋河，飲凍檸茶佢話入面有好多舊牛筋，好抵食我地仲加左十蚊要左碟油菜添當日見到唔少一家大細喺度開餐，男編仲講笑咁話遲下可能到我地呢個咁既大細路，唔激嬲我個時又真係幾sweet既