影片
更多
2021-05-13
1154 瀏覽
銅鑼灣最近係好多野食既希雲街有一間人氣拉花Cafe，呢間Sleepless前身係一間叫做R&C 既Cafe，改名之後主打各式圖案既拉花咖啡，令到向來小飲咖啡既我都決定要特登去。係出面睇，Sleepless只係一間有啲歐陸風、以木材為主既普通Cafe，翻開Menu就會有驚喜，Menu上有各式各樣口味獨特既咖啡、Latte，其他咖啡店未必搵到，好似有蕃薯Latte、焙茶Latte、波子汽水Latte、Espresso Coke同Whisky Mocha等，價錢係$40-$80不等，而且加上唔同卡通圖案既拉花，有我最鍾意既龍貓、無面男之外，有期間限定既角落生物latte，好似小白熊同恐龍，打卡一流，相當吸引。另外顧客可自行提供圖案做拉花，將要拉花嘅圖案dm佢地ig/fb，由店家按複雜程度收費。唔只有提供多種咖啡，都有賣飯麵、輕食同甜品，價位中上。步入店門，映入眼簾既係一張吧檯，上面擺左唔同既酒，仲有唔同擺設，仲有啲佢地幫野食拍攝既海報，店鋪雖小但五臟俱全，座位就唔算多，有一張長檯同沙發卡位，另外仲有向窗既吧枱，見到鋪左仲有提供衣架比客人掛衫。-1️⃣ Black Sesame Latte 💰52
銅鑼灣最近係好多野食既希雲街有一間人氣拉花Cafe，呢間Sleepless前身係一間叫做R&C 既Cafe，改名之後主打各式圖案既拉花咖啡，令到向來小飲咖啡既我都決定要特登去。
係出面睇，Sleepless只係一間有啲歐陸風、以木材為主既普通Cafe，翻開Menu就會有驚喜，Menu上有各式各樣口味獨特既咖啡、Latte，其他咖啡店未必搵到，好似有蕃薯Latte、焙茶Latte、波子汽水Latte、Espresso Coke同Whisky Mocha等，價錢係$40-$80不等，而且加上唔同卡通圖案既拉花，有我最鍾意既龍貓、無面男之外，有期間限定既角落生物latte，好似小白熊同恐龍，打卡一流，相當吸引。另外顧客可自行提供圖案做拉花，將要拉花嘅圖案dm佢地ig/fb，由店家按複雜程度收費。唔只有提供多種咖啡，都有賣飯麵、輕食同甜品，價位中上。
步入店門，映入眼簾既係一張吧檯，上面擺左唔同既酒，仲有唔同擺設，仲有啲佢地幫野食拍攝既海報，店鋪雖小但五臟俱全，座位就唔算多，有一張長檯同沙發卡位，另外仲有向窗既吧枱，見到鋪左仲有提供衣架比客人掛衫。
-
1️⃣ Black Sesame Latte 💰52（👅: 8/10）
Black Sesame Latte
$52
38 瀏覽
1 讚好
0 留言
餐廳既拉花咖啡基本上口味都係固定左，因為佢係以食用色素繪畫既圖案，我黎呢度其實係為左龍貓同無面男，MENU上無面男係焙茶Latte，而龍貓就黎比較小見既黑芝麻Latte，經過一番爭扎後，決定揀龍貓黑芝麻Latte。
Latte飲落芝麻味幾香，芝麻味飲落唔會話太甜，而且唔會係好假嘅芝麻味，因為我自己唔太鍾意飲咖啡，不過呢杯可以接受，芝麻同Latte融合得幾好。
-
2️⃣ 3D Cappuccino 💰60（👅: 8/10）
3D Cappuccino
$60
23 瀏覽
1 讚好
0 留言
呢度隨左卡通圖案既拉花，最得意就係立體拉花，呢杯立體拉花特別在可以自己揀口味，唔一定Cappuccino，例如可以揀MENU上既Mocha、Latte、Flat White、strawberry latte等等。
3D Cappuccino
$60
13 瀏覽
1 讚好
0 留言
咖啡上有2隻用奶泡整嘅熊仔伸左個頭出黎，非常CUTE，影咗一陣相隻熊都冇話塌落去，咖啡入口算係幾香滑嘅Cappuccino，不過味道算淡，同埋奶會比較多。
-
3️⃣ Chocolate Brownie with ice cream 💰68（👅: 8/10）
Chocolate Brownie with ice cream
$68
33 瀏覽
1 讚好
0 留言
叫左比較人氣既甜品之一朱古力布朗尼配雪糕。份量十足，Brownie上面嘅雲呢拿雪糕好大個。Brownie甜度適中，朱古力味有但我覺得可以再濃郁啲，雲呢拿雪糕食落係正常雪糕，因為Brownie係即叫即焗，雪糕同熱熱地嘅Brownie形成冰火交融嘅效果，如果雪糕奶味再重啲會更好，不過雪糕、Brownie同忌廉一齊食整體唔錯，算係個發揮幾好嘅Brownie。
-
4️⃣ Apple Crumble with ice cream 💰65（👅: 8/10）
Apple Crumble with ice cream
$65
18 瀏覽
1 讚好
0 留言
另一個比較人氣既甜品係蘋果金寶。呢個蘋果金寶同樣有一個份量好大嘅雲呢拿雪糕，雪糕食落就同Brownie個個一樣，蘋果金寶食落溫度足夠，不過如果再熱辣辣會更好食。甜度適中唔會話太甜，餅皮食落都鬆化，蘋果如果再爽脆啲會更好。
-
🌟 因為我無食主食，淨係食甜品，甜品黎講係算唔錯，而拉花隨左有我最鍾意既宮崎駿系列，仲有好得意既3D拉花，要數缺點就係店內位置比較少，地點唔算好遠不過唔熟銅鑼灣既人第一次未必識行去希雲街。另外疫情期間都有外賣自取優惠服務。
-
👅味道: 8/10
🍴環境: 7.5/10
💰消費: $245 (服務費: 10%)
❗️每人最低消費一杯飲品
張貼
