影片
更多
2017-01-22
689 瀏覽
今日本身打捻同男朋友食觀塘東廣場個間burger 但係由於佢遲左出門口 我就直接過左去九龍灣..周圍行下去到德寶見到有個food court 好多野食兜左個圈見到好幾枱都有叫到呢間既burger食所以本身今日食唔到個間burger都可以試下呢間burger我地係到叫左個套餐再買左其他店鋪既小食坐係到食我地係burger b 叫左個2號牛肉芝蛋堡加$15轉set配薯角跟一罐汽水或可以簡蕃茄湯Total:$42+$15=$57我比完$70 收銀個位女士找返$3比我咁就即刻同佢講返 唔好意思你找少左$10 我比$70你..點知佢黑我面真係心捻咩料呀？佢比返$10我個時態度係真係唔好 仲要大大力比完我再講左一句拜拜我心捻連野食都未拎 就拜拜我？男朋友都話佢態度堅差，自問平時係唔該前唔該後既人嚟 都算有禮貌！算 唔理佢！等左兩分鐘有得拎...呢樣野要讚下廚房好快手 啲薯角勁熱...收銀處旁邊有茄汁同沙律醬可以自取個burger 比想像中大既味道夠味 個塊牛肉漢堡好多汁 要讚平時出面食過個啲都係比較乾身 但呢個一咬落去 啲汁多到滴出嚟好味～但咬左兩啖 發現無雞蛋既？明明叫牛肉芝蛋堡男朋友去返同佢講
但係由於佢遲左出門口
我就直接過左去九龍灣..周圍行下
去到德寶見到有個food court 好多野食
兜左個圈見到好幾枱都有叫到呢間既burger食
所以本身今日食唔到個間burger都可以試下呢間burger我地係到叫左個套餐再買左其他店鋪既小食坐係到食
我地係burger b 叫左個2號牛肉芝蛋堡加$15轉set配薯角跟一罐汽水或可以簡蕃茄湯
Total:$42+$15=$57
我比完$70 收銀個位女士找返$3比我
咁就即刻同佢講返 唔好意思你找少左$10 我比$70你..點知佢黑我面真係心捻咩料呀？佢比返$10我個時態度係真係唔好 仲要大大力比完我再講左一句拜拜我心捻連野食都未拎 就拜拜我？男朋友都話佢態度堅差，自問平時係唔該前唔該後既人嚟 都算有禮貌！算 唔理佢！
等左兩分鐘有得拎...
呢樣野要讚下廚房好快手 啲薯角勁熱...
收銀處旁邊有茄汁同沙律醬可以自取
個burger 比想像中大既
味道夠味 個塊牛肉漢堡好多汁 要讚
平時出面食過個啲都係比較乾身 但呢個一咬落去 啲汁多到滴出嚟好味～
但咬左兩啖 發現無雞蛋既？
明明叫牛肉芝蛋堡
男朋友去返同佢講..佢地就退返$4比我地
不過個個男既都好好禮貌所以唔緊要啦
但我坐係到等既時候 發現係個收銀比錯左我地
個托盤到同時有兩張單號，一張43一張手45
我地個張係45號單 牛肉芝蛋堡配薯角跟忌廉，43個張單係牛肉芝士堡配薯角跟可樂
但我地汽水無錯到 淨係錯左個堡
算啦 係真係有啲唔開心！但都無辦法
繼續食個堡 ..但個堡好似係連芝士都無？
望勻成個堡都係得菜...蕃茄...蛋黃醬同漢堡就係無芝士好灰呀⋯⋯
算啦 唯有當自己黑仔
啲薯角熱喇喇 明顯岩岩炸起
堡入面啲配菜都好新鮮 有紅邊菜同九芽菜
蕃茄好爽口（平時我係唔食蕃茄嫁！）
整體 個漢堡味道係好食既
但服務態度有需要提升
抵唔抵食呢就見人見智 但個味道係好似m記新出個個安格斯芝士磨菇堡（相個個包皮係可以轉呢個包皮）..$38有薯條同汽水，呢個套餐因爲佢比少左蛋我退返$4，個餐$53，仲要無芝士下次食返m記算了...
張貼
