咖啡灣 (荃灣千色匯) (已結業)

好友剛從外國完成學業回港，終於有機會坐低食飯聚一聚!今晚揀左早前行街經過見到，好有童話、夢幻感覺既餐廳。一早預訂左兩位，被安排寬敞既卡位。餐廳既裝潢同擺設都好有心思，特別是旁邊的LEGO摩天輪，令人彷如回到小時候般~餐牌設計值得一讚，圖文並荗又清楚列出價錢，令人可以一目了然，有選擇困難症既我望住相都易選擇好多~首先出場的是卡邦尼溫泉蛋意大利麵 $78意粉煙韌度剛好，卡邦尼醬汁非常creamy~半生熟溫泉蛋撈勻後令口感更上一層樓，配上充滿鹹香的煙肉，實在是濃香可口!接著是鵝肝和牛巨人漢堡 $138份量十足的漢堡，甫上桌已非常吸晴~鵝肝煎得豐腴甘香，外脆內軟。牛肉充滿肉汁，非常嫩滑。加上蕃茄、生菜等配料，口感層次極為豐富!旁邊的著條炸得熱烘烘，香脆可口!店員友善告知熱飲可拉花，圖案更可自選!巧克力鮮奶咖啡$19朱古力味香濃，甜度適中，口感香滑~拉花圖案更是超可愛的北極熊!!無甜不歡的我倆最後點了紫薯雪糕窩夫 $88。心形窩夫超浪漫!窩夫配以鮮甜士多啤梨、粒粒日本紫薯、糖粒等，色彩繽紛賣相討好~即叫即做熱烘烘的窩夫外層酥脆，口感鬆軟，沾一口紫薯雪糕簡單又美味!餐廳氛圍浪漫夢幻，進餐環境愉悅舒