曲奇薈 (已搬遷) 新店位置

檢查信箱, 收到貴網的大信封. 本以為會有什麼好戲睇. 一打開, 原來是一張曲奇的贈劵. 有得食當然要食啦. 但店方要求我們三天前預訂. 心想必定是好野.攞果日, 我呆了一呆. 幸好不是"特登"出來銅鑼灣攞餅. 心想, 呢一包仔曲奇, 便鬼預訂呀. 憑劵即時pack俾我地咪得囉. 搞到好似一份好high既禮物咁......難怪有不少人給予劣評. 因為大失所望.拿回家, 慢慢的吃這一包曲奇. 有四種不同味道的. 不過, 小小的pack沒有指示, 拿禮品時亦沒有多問. 我食的是什麼味的cookie, 就真係要用敏銳的舌頭去感覺一下.我自認沒有那麼敏銳的舌. 只知道其中一隻綠色的, 是綠茶味. 表面較為粗糙的, 是粗麥曲奇. 其他兩隻味, 都係差唔多. 此些曲奇, 脆就算係幾脆. 但此等曲奇, 應該是健康曲奇之類的東東, 牛油味不重. 有奶油味但未夠香口. 若是expect香口曲奇餅的, 呢一pack可以叫做唔係. 不知正式要賣, 會賣多少錢呢. 不過, 免費試食, 就由他啦.....食曲奇, 始終係藍色鐵罐最好食.....