影片
更多
2022-11-19
55 瀏覽
難得家姐接放工，係附近搵到呢間樓上餐廳醫下肚仔。室內座位唔多，主要座位係喺室外天幕下既開放區域，見到隔離枱有人帶狗仔，先知原來呢到係寵物友善餐廳；頭頂佈滿滿天星燈幾有氣氛，通風良好，望住旁邊既帳幕位超級靚呀！可惜冇預訂已經full左🥺燒牛肉紫洋蔥沙律香水菠蘿好香甜！燒牛肉加左黑椒鹽去燒，夠曬味，個醬係泰式辣椒味，加埋紫洋蔥既辛，成個沙律好有「泰味」巨型豬扒跟薯菜薯條脆卜卜，塊豬扒仲大過我隻手呀！厚得嚟好易切開，有肉汁唔乾身，配埋特調黑椒汁好夾玫瑰伯爵茶奶蓋瀑布蛋糕配伯爵茶雪糕一拎起膠片，奶蓋即刻好似瀑布咁湧出，覆蓋整個蛋糕，奶蓋部份有好香既玫瑰花味，雪糕同蛋糕都有好濃既伯爵茶味，creamy得嚟唔會太甜，係100分既甜品！飲品 - 戀愛預告碟豆花既漸變色好靚，雲呢嗱雪糕融化左入梳打，口味似新地樂飲品 - 粉碎性骨折接木骨花加梳打飲落好有衝擊力，好似可以飲既爆炸糖咁
難得家姐接放工，係附近搵到呢間樓上餐廳醫下肚仔。室內座位唔多，主要座位係喺室外天幕下既開放區域，見到隔離枱有人帶狗仔，先知原來呢到係寵物友善餐廳；頭頂佈滿滿天星燈幾有氣氛，通風良好，望住旁邊既帳幕位超級靚呀！可惜冇預訂已經full左🥺
燒牛肉紫洋蔥沙律
香水菠蘿好香甜！燒牛肉加左黑椒鹽去燒，夠曬味，個醬係泰式辣椒味，加埋紫洋蔥既辛，成個沙律好有「泰味」
巨型豬扒跟薯菜
薯條脆卜卜，塊豬扒仲大過我隻手呀！厚得嚟好易切開，有肉汁唔乾身，配埋特調黑椒汁好夾
玫瑰伯爵茶奶蓋瀑布蛋糕配伯爵茶雪糕
一拎起膠片，奶蓋即刻好似瀑布咁湧出，覆蓋整個蛋糕，奶蓋部份有好香既玫瑰花味，雪糕同蛋糕都有好濃既伯爵茶味，creamy得嚟唔會太甜，係100分既甜品！
飲品 - 戀愛預告
碟豆花既漸變色好靚，雲呢嗱雪糕融化左入梳打，口味似新地樂
飲品 - 粉碎性骨折
接木骨花加梳打飲落好有衝擊力，好似可以飲既爆炸糖咁
張貼
