一鼎‧台式火鍋 (MOSTown新港城中心(4期))

營業中

休息中

而家開咗好多間唔同嘅任食打邊爐放題，今日就揀咗呢一間係馬鞍山😉😉晚市都只係$289就已經食到一鼎殼飼牛任食晚餐套餐！！！有得任食殼飼牛都只係$300內，就知抵食啦！！🤤🤤佢有好多款，唔同湯底可以揀，我同朋友就分別各試咗其中一個啦～～🍲🍲燻鰹魚（海苗鰹魚清湯鍋）大家睇相都已經見到湯底有幾咁足料啦，就咁飲湯已經覺得好清甜，感受到完全係用材料熬出嚟嘅味道～打邊爐嘅時候仲可以配埋海苗一齊食，口感就更加豐富啦！！😍試咗個咁清甜嘅湯，另一個當然係香港人最愛嘅辣味湯底啦～～🍲🍲麻痹鴨（台灣麻辣鴨血鍋）麻辣湯勁多辣椒，辣味重過麻味，食落好刺激～湯底入邊仲有幾舊鴨血，好順滑完全冇渣，入口即溶嘅感覺，鍾意食辣嘅朋友一定要叫呢一個湯底！！！講完湯底，當然就要介紹呢一個餐嘅重點：高級嘅【一鼎殼飼牛】～～牛肉一上枱係鮮紅色脂肪比例比較少一啲嘅，輕輕碌一碌已經熟晒柔滑滑溜嘅口感，而且牛味非常之出！！認真冇得彈...出邊仲有各款嘅蔬菜同埋飲品可供選擇，鍾意健康嘅朋友可以好似小編咁樣試吓用南瓜打邊爐～呢度嘅南瓜好新鮮，食落好甜！！！豐富嘅湯底配上新鮮嘅牛肉，再加埋各式各樣嘅蔬菜飲品，就知道呢一餐打邊爐好豐富～～馬鞍山