影片
更多
2010-08-25
94 瀏覽
我一向係明星西環店嘅常客，回想起我無論係午飯、晚飯，早係2005年已經開始成日幫襯佢!我亦曾經幫襯過明星筲箕灣店、深水埗店、牛頭角店、明星海鮮舫及嘉年華香港仔店!其實我成日幫襯明星集團旗下分店，都係因為佢嘅食物、環境、服務、衛生各方面質素都唔錯，而且價錢化算，比我嘅印象幾好!今日同朋友有事去咗北角做，所以做完之後就順便去明星飲番個下午茶!明星北角店係我第1次嚟幫襯，我認為質素同其他分店同樣唔錯!味道方面，今次2個人叫咗幾款點心、1碗燒腩米線、1碗切雞河粉，味道皆唔錯!食物包括1)燒腩米線:燒腩太肥，用料不太上乘!湯底味道就唔錯，整體分量足!(2)切雞河粉:切雞用料反而好D!湯底味道同樣唔錯，整體同樣分量足!(3)柱候金錢肚:辣辣地嘅醬汁好惹味，金錢肚蒸得夠淋夠入味!(4)漿爆流沙包:餡料有好香嘅蛋黃味，並且食第1啖已經流咗出嚟!包亦夠鬆軟!(5)馬蹄牛肉腸:牛肉餡料加咗馬蹄粒好爽口，腸粉皮就厚咗少少!(6)鴛鴦燒賣皇:原來係2粒蟹籽燒賣加2粒牛肉燒賣!蟹籽燒賣新鮮，牛肉燒賣就似牛肉球!(7)山竹牛肉球:味道唔錯，幾有質感!環境方面，裝修唔算新淨、又唔算太舊!我覺得佢嘅裝修普通，只係某些
味道方面，今次2個人叫咗幾款點心、1碗燒腩米線、1碗切雞河粉，味道皆唔錯!食物包括:
(1)燒腩米線:燒腩太肥，用料不太上乘!湯底味道就唔錯，整體分量足!
(2)切雞河粉:切雞用料反而好D!湯底味道同樣唔錯，整體同樣分量足!
(3)柱候金錢肚:辣辣地嘅醬汁好惹味，金錢肚蒸得夠淋夠入味!
(4)漿爆流沙包:餡料有好香嘅蛋黃味，並且食第1啖已經流咗出嚟!包亦夠鬆軟!
(5)馬蹄牛肉腸:牛肉餡料加咗馬蹄粒好爽口，腸粉皮就厚咗少少!
(6)鴛鴦燒賣皇:原來係2粒蟹籽燒賣加2粒牛肉燒賣!蟹籽燒賣新鮮，牛肉燒賣就似牛肉球!
(7)山竹牛肉球:味道唔錯，幾有質感!
環境方面，裝修唔算新淨、又唔算太舊!我覺得佢嘅裝修普通，只係某些區域至有特別嘅燈飾作點綴!佢設有卡位，好唔好就見人見智啦!佢冇明星西環店咁先進，冇引入電腦座位分配系統(電腦票、電視屏幕顯示叫號及電腦聲音叫號)、自動感應水龍頭、自動感應梘液機等先進設備，而電視機都不及明星西環店嘅大，不過佢比起好多酒樓算落本架啦!呢個舖都算幾大，可惜有個不足之處，仲係死症，就係身處於舊樓中，柱多、橫樑多兼樓底矮，少咗某種氣派囉!
服務方面，服務員工作算勤快，態度親切!如果各個服務員有多D適當嘅笑容就好啦!
衛生方面，碗碟乾淨，地方算整潔，洗手間地下濕咗D!
抵食方面，大部分點心、燒腩米線同埋切雞河粉都價錢化算!
整體來講，大部分點心價錢化算!各方面質素皆唔錯，同其他分店差唔多!同樣幫襯得過呀!
張貼
