和居和居 (已搬遷) 新店位置

最近喺銅鑼灣， 返完工搵野食， 一般都係希望放鬆下，可以坐耐啲，傾下偈，之前試過幾間，都做唔到呢個效果，今次另一同事介紹，有啲似日本居酒屋嘅日本料理。環境格局真係有啲似，又有吧枱，行入去座位唔多，小店型式。鋪頭仲可以幫客人keep酒，飲唔曬留返下次，有呢樣已經唔係好多日本餐廳做到。先黎涼拌日本醬青瓜，即麵豉醬配青瓜。 麵豉醬鹹鹹哋，幾開胃，青瓜涼浸浸，爽脆可口，作為開胃菜一流。麵豉煮牛筋， 牛筋煮得夠入味， 如果煮得再淋啲， 就冇得彈。串燒雞心， 係真正串燒，燒出嚟嘅真係冇得頂。串燒煙肉芝士年糕， 燒到快煙肉外表少少脆， 年糕吸收曬煙肉嘅香味。吉列蠔， 一客有五隻，大大隻，都幾抵食。入去傾下偈坐下飲下嘢，真係一個唔錯嘅選擇。