品越越式料理 (康怡廣場北座)

營業中

休息中

品越越式料理老公生日，就book咗食越南菜，經OpenRice book枱，可以半價食到呢個二人餐。一家四口食得好飽😄😄😄個二人餐份量好多，個沙律好好食，胡麻醬同啲甘筍青瓜好夾，兩個細路好鍾意食。至於個鮮蝦番茄蟹肉肉丸湯，我就覺得比較鹹，可以淡返少少。不過番茄味都濃嘅。小食拼盤都唔錯，尤其係個春卷同蝦餅，味道剛剛好。比目魚同個酸辣鳳爪。比目魚蒜香牛油味重，肉質都叫鮮嫩。鳳爪個味道唔錯，酸辣恰當。皇牌湯河粉，好啱小朋友食，清清地又多餸。我哋仲另外叫咗咖喱軟殼蟹，蒜蓉包，薄餅。軟殼蟹份量好多，非常足料，咖喱算係淡口，小朋友都啱食。至於個蒜蓉包，係非常好食，熱辣辣脆卜卜，薄餅鬆化，配咖喱啱啱好。另外仲有兩杯飲品同兩份甜品。所以其實個餐真係好豐富。