薩莉亞意式餐廳 (昇御商場) (已結業)

今日黎到紅磡既昇御廣場，由於成個商場都裝修緊，大部分餐廳同店鋪都已經搬走，得返味千拉面同薩莉亞，最後就簡左薩莉亞食，呢間餐廳係頂層，唯一好處係相對其他薩莉亞餐廳比較少人，唔需要等位，就已經可以入座，職員安排左卡位俾我地。打開餐廳，一樣有好多唔同美食選擇，最後選擇左3樣，分別係意式菠菜伴煙肉、雞肉野菌雙享薄餅及野菌忌廉意大利飯。首先先上既係雞肉野菌雙享薄餅，一次過可以食兩種唔同口味。之後再上係野菌忌廉意大利飯，個味道都有好濃既忌廉味，味道唔錯。最後上既意式係菠菜伴煙肉，我覺得個味道麻麻地，d菠菜太乾，無咩口感。