Brew Bros Coffee (石塘咀) (已結業)

放假就梗係要做下偽文青，周圍搵吓咖啡店坐下啦。講到咖啡店，西上環呢邊就最多啦。求其喺條街行行都有一間，不過就係因為周街都有，所以大家都慕名而來。好多間其實都好多人喺門口排隊，咁我就決定用少少腳骨力行上小小斜路，就見到呢一間係外面睇裝修都幾靚嘅咖啡店。咁啱行到攰，就坐低抖下影吓相打卡啦。我就叫咗一杯拿鐵朋友就叫咗一舊banana bread😗我就覺得呢杯咖啡底唔算太香太濃。或者咁講可能係因為比較多奶嘅關係，都或者可能係我嗌左杯iced latte所以飲到尾，啲冰融左溝淡左個味。我就覺得鐘意唔苦咖啡嘅朋友會鐘意佢😚