Cow Bean (康怡廣場) (已結業)

第一次黎食cow bean😌係好肚餓既情況下睇餐牌真係樣樣都想食😋😋三大人一小童叫左五樣野食揀左兒童餐湯烏冬，仲有埋玩具仔，烏冬我無食過，唔知好唔好食，反而有一塊炸蕃薯，呢個非常好食！！😚😚我地等左十幾分鐘後先食都暖暖地，最重要係仲係非常香脆可口🥰🥰🥰好飽之下都忍唔住食左大半塊😌😌然後就叫左dinner set a 鮮茄海鮮意粉，黎到幾驚喜😚😚大大碟！海鮮比想像多，蝦啦魷魚啦青口啦帶子仔啦雜菇啦，鮮茄少少酸甜幾真👍🏻👍🏻意粉軟硬度岩岩好，我地都覺得好唔錯🤩🤩香煎牛脷😋幾鍾意食牛脷！！稔身，而且都有十令舊，我覺得都算抵食既😆芝士肉醬薯條～一半芝士一半肉醬，仲附上茄汁😌😌黎到時熱辣辣炸起，外脆內嫩幾好味😆😆我本人鍾意肉醬多啲～最後既主角終於出場😆澳洲M7和牛配蒜蓉汁🤩黎到時香噴噴噴吱吱聲好吸引😯但望一望就失望左，圖片只供參考係真架🤭🤭和牛比我想像中細塊，不過肉質都稔身，牛味唔算好濃，揀左蒜蓉味但唔濃～我地覺得中規中矩喇😌