影片
更多
2020-07-10
59 瀏覽
呢排都仲要social distancing，所以就喺屋企附近搵嘢食算啦。今日覺得想食泰式嘅嘢，所以就食咗樓下呢一間泰式餐廳。我哋兩個人叫咗三個嘢食兩杯嘢飲，呢度仲有一樣好抵嘅就係每日都有一蚊嘢食。我哋今日就試咗一蚊嘅泰式炸蝦餅，加炭燒牛肋骨同埋菠蘿海鮮焗飯，嘢飲就嗌左泰式奶茶同埋芒果特飲。雖然係1蚊，但係個炸蝦餅都唔係渣咖，咬落去夠晒彈牙，加埋啲酸辣醬同埋排得咁靚嘅排位，食落同望落都零舍開胃。個海鮮焗飯真係好大份呀，食到我哋兩個飽到行唔郁咁滯。入邊有好多海鮮：魷魚，蝦，仲有成粒鮑魚，真係大件夾抵食，啲菠蘿仲好甜添。至於個牛肋骨，離遠拎緊上嚟嘅時候，已經聞到佢嗰浸好香嘅炭燒味，切開唔會過熟，食落口就好多肉汁，用嚟送飯真係冇得頂。至於嗰兩杯野飲，飲完個泰式奶茶真係覺得零舍有泰式風味，不過最推介始終係芒果沙冰特飲，夠晒大杯而且啲芒果又好甜，飲落去仲有果渣添，係真係用原個芒果打出嚟嘅芒果沙冰啊，夏天用嚟消暑真係一流。😋😋😋
我哋兩個人叫咗三個嘢食兩杯嘢飲，呢度仲有一樣好抵嘅就係每日都有一蚊嘢食。我哋今日就試咗一蚊嘅泰式炸蝦餅，加炭燒牛肋骨同埋菠蘿海鮮焗飯，嘢飲就嗌左泰式奶茶同埋芒果特飲。
雖然係1蚊，但係個炸蝦餅都唔係渣咖，咬落去夠晒彈牙，加埋啲酸辣醬同埋排得咁靚嘅排位，食落同望落都零舍開胃。
個海鮮焗飯真係好大份呀，食到我哋兩個飽到行唔郁咁滯。入邊有好多海鮮：魷魚，蝦，仲有成粒鮑魚，真係大件夾抵食，啲菠蘿仲好甜添。
至於個牛肋骨，離遠拎緊上嚟嘅時候，已經聞到佢嗰浸好香嘅炭燒味，切開唔會過熟，食落口就好多肉汁，用嚟送飯真係冇得頂。
至於嗰兩杯野飲，飲完個泰式奶茶真係覺得零舍有泰式風味，不過最推介始終係芒果沙冰特飲，夠晒大杯而且啲芒果又好甜，飲落去仲有果渣添，係真係用原個芒果打出嚟嘅芒果沙冰啊，夏天用嚟消暑真係一流。😋😋😋
張貼
