其匠燒

營業中

休息中

九月份某一個星期日，同老婆去尖沙咀行街，到攰攰地又撞啱晚餐時間，途經厚福街見到好多人，所以就諗住喺附近食晚飯，同老婆商量過後佢話想食日本嘢但係又想食串燒，所以就上網google咗一下見到openrice有間燒鳥新開張期間有8折，即刻book位所以就去咗藍馬商業大廈10樓，上到去見到地方寬敞環境清幽，可能係新店又撞啱星期日人流唔算多，啱曬我同我老婆靜靜地食返個靚飯，老婆鍾意坐吧檯，鍾意睇住靚仔師傅燒嘢，從交談中得知原來佢係老細，同老婆叫咗兩杯生啤一個刺身盛合，老細推活介咗幾款串燒，分別係牛舌、燒活鱔、雞肝同燒雞棒，跟住落嚟就要講正題喇，刺身好新鮮，擺盤好靚，味道好好，牛舌火喉到位爽脆多汁，燒活鱔皮脆肉嫩，雞肝味香入口即溶，燒雞棒味濃香滑，醬汁唔會太鹹，攬上生雞蛋口感一流，依間燒鳥畀到驚喜我，老細服務親切不再話下。環境舒適，味道一班，價錢合理，大家不妨一試，必定會有耳目一新的一番享受