呼吸咖啡茶館 (已結業)

星期一晚約左2位好姊妹傾計,唸住上一上cafe吹完食就搵地方食野。點知我地3個坐到8點鐘的時候,大家都唔想走來走去咁麻煩,所以就係到叫埋野食。一係唔叫,一食驚喜。一個好似平平無奇的Pizza,食落完全唔似一般Cafe出嚟hea咁。再試佢個素菇漢堡,好有外國快餐店個種味到。再嚟一個黑松露意粉,個汁恰到好處,唔會太乾。蜜糖雞翼係我的最愛。最後個fd叫左一個超而邪惡的鬆餅,佢地自家制鮮忌廉同果醬一同配上。我個fd一個人食晒d自家制鮮忌廉...3個女仔由6點傾到11點,都只係食左飲左$596。人均$200有找,真係唔知重可以係邊到搵到...