Café East

營業中

休息中

💁🏻‍♀️服務收碟速度好快手！飲品無限飲有汽水、橙汁、茶等叫完就會送到枱上好方便。🍴食物👍🏻茶樹菇花膠燉湯，用燉盅燉料足👍🏻意大利生牛肉，好嫩再加左芝士碎片👍🏻葡式燒乳豬，片勁脆薄，味道好夠，同平時既乳豬好唔同，值得一試但真係好肥，一件就夠。👍🏻甜品愛好者一定啱，種類好多，仲供應新鮮出爐心太軟、即焗梳乎厘。雪糕有movenpick同haagen dazs雪條同雪糕杯連最新朱古力馬卡龍味、夏威夷果仁味、哈密瓜味都有。👍🏻鐵板燒有4款: 廚師即燒牛扒、大蝦、三文魚扒、羊架，都不錯。👌🏻冰凍海鮮有6款: 波士頓龍蝦、小龍蝦、青口、麵包蟹、蟹腳、大蝦，而且refill速度快，可惜無生蠔。👎🏻刺身有5款: 北寄貝、希靈魚、鯛魚、吞拿魚.、三文魚，質素普通種類又少。刺身上有2大碟壽司賣相好唔吸引，似一大堆堆埋一齊。🪟環境係五星級酒店內一樓，推薦訂位要求坐窗邊位，感覺更開陽，座位同枱都夠闊落。💰當日平日星期一去成人每位港幣738元，會員就有買二送一，每人五百幾蚊。