101手工涮涮鍋 (已結業)

路過尖沙咀， 見到佢有個抵食午餐， 手工涮涮鍋 只需要48蚊，可以揀1個湯底，1個面，3個餸，一杯嘢飲，仲免收加一，咁吸引一定要試下啦。坐低一人一爐, 填好自己想要嘅組合，唔使五分鐘就上爐啦。呢個係蕃茄湯底，揀咗米線，配咗三個餸: 就係娃娃菜，q彈手工魚腐同雞髀肉，仲有芽菜同粟米係配菜。 侍應教落: 湯滾嘅時候，可以將佢教細火，跟住食麵先。 蕃茄湯底好濃， 唔似普通稀湯咁。可惜米線硬咗少少，煲耐啲都唔太淋。 雞髀肉好好食，佢係三杯雞嘅調味，煲耐咗仲好淋添跟餐揀左檸檬綠茶，太甜喇，完全唔得