碼頭故事 (已搬遷) 新店位置

我個朋友喺Facebook度見到呢間碼頭故事，話好想去試吓，本身我都唔係咁贊成，因為食麻辣火鍋我覺得返大陸食真係平好多，但係我個friend就同我講九點之後有七折，咁我見佢咁想食就陪下佢啦，入到去其實大陸味都重既，咁我哋就坐低啦叫嘢食，一嚟就已經將麻油啊調味料放晒係枱面㗎啦！佢係呢啲調味料上我覺得有一啲混亂，因為餐牌上面有一個另外嘅收費，但係原來茶位費方面已經包左枱面有嘅所有調味料，如果枱面嘅都唔夠用先要在額外加錢再比調味料費。我覺得我哋叫咗咁多嘢食最值得一讚，就係個安格斯肥牛真係好靚，另外仲有一個長條型蝦餃，好入味好好食，另外食麻辣火鍋必叫嘅鴨血，給左麻辣火鍋湯底嘅味非常之好食，同埋我哋仲叫咗個打卡必備嘅一米䳘腸，又真係條條都有一米長㗎最後我覺得有個位置我有啲唔高興，就係佢本身有得用信用卡嘅服務，但係最後佢唔俾我地用，因為佢話我哋係有折扣嘅時段，所以只可以比現金，但係訂位嗰陣時又唔講聲，如果我咁啱唔夠現金咪好樣衰，所以我覺得呢個位要改善下