影片
更多
2018-11-19
72 瀏覽
朋友M本來book左cwb某素食餐廳同我提早慶祝生日，不過後來發現間餐廳只可以比我地坐1.5小時，佢上次試過真係夠鐘就被人趕走，連叫左既甜品都要好急咁食完即刻起身！今晚我地唔係想咁趕喎，所以就決定轉場，朋友M揀左呢間有好多好評既阿麥廚房。我幾鐘意幫襯加路連山道附近既食肆，呢個範圍好似同cwb鬧市感覺好大分別，適合放工之後輕鬆傾下計。餐牌係需要少少時間學睇架，因為佢一面係主菜同甜品，另一面係前菜同湯，其實係成個full set dinner黎既，只係種類比較多所以分開左黎寫。凱撒沙律係對版既，有齊爽脆既生菜、煙肉粒、麵包粒、少量芝士碎同埋Caesar dressing，係一個fresh start。湯可以揀青豆湯或者羅宋湯，我一直都唔係pea soup既fans，覺得佢太膩同太飽，所以揀左後者。配料甘筍、洋蔥、番茄、西芹等等係切粒架，感覺幾可愛，亦都唔會飲到拖住條菜咁樣 XD配湯既蒜蓉包正正常常。主菜我地叫左兩個share，一個係牛肝菌意大利飯，另一個係pork spare ribs。牛肝菌意大利飯好夠味，牛肝菌味濃，有一條條既牛肝菌混入d飯度，飯粒硬度偏硬少少不過都仍然係討好既硬度，中
我幾鐘意幫襯加路連山道附近既食肆，呢個範圍好似同cwb鬧市感覺好大分別，適合放工之後輕鬆傾下計。
餐牌係需要少少時間學睇架，因為佢一面係主菜同甜品，另一面係前菜同湯，其實係成個full set dinner黎既，只係種類比較多所以分開左黎寫。
凱撒沙律係對版既，有齊爽脆既生菜、煙肉粒、麵包粒、少量芝士碎同埋Caesar dressing，係一個fresh start。
湯可以揀青豆湯或者羅宋湯，我一直都唔係pea soup既fans，覺得佢太膩同太飽，所以揀左後者。配料甘筍、洋蔥、番茄、西芹等等係切粒架，感覺幾可愛，亦都唔會飲到拖住條菜咁樣 XD
配湯既蒜蓉包正正常常。
主菜我地叫左兩個share，一個係牛肝菌意大利飯，另一個係pork spare ribs。牛肝菌意大利飯好夠味，牛肝菌味濃，有一條條既牛肝菌混入d飯度，飯粒硬度偏硬少少不過都仍然係討好既硬度，中間夾雜左少少法國豆。
另一個主菜係pork spare ribs配薯條~~條ribs好長呀!!可以切到大約10-12條，不過肉少骨多，所以食既時候都有少少輪盡，用叉叉完就冇哂肉，但係唔叉住又切唔到，我最後決定用手食dinner set有配一杯飲品，都有唔少特別既野飲選擇，我同朋友都揀左iced peach tea，茶味同桃味平衡得唔錯，又唔會太甜，值得一讚。
最後我地傾左成兩個幾鐘先走，人地都差唔多關門，好彩揀左呢度，可以慢慢坐，慢慢食。
由於我地已經決定左去隔離街食甜品，所以冇留意呢度有冇甜品供應。
張貼
