BELLAVISTA

營業中

休息中

啱啱喺啟德Airside試咗一間叫Bellvista嘅墨西哥餐廳，真係要推介俾大家！呢度環境超Chill，可以揀坐室內定室外，最近呢排秋天涼浸浸，戶外位真係正到爆，坐喺度食嘢又可以慢慢chill吓。前菜我叫咗芒果配大蝦牛油果沙律，一上枱已經睇到啲食材好新鮮，沙律菜爽口，蝦又大隻彈牙，芒果仲要超甜，牛油果滑到不得了。每一啖都係唔同層次嘅口感，配埋嗰個蜂蜜芥末醬，酸酸甜甜，好開胃。至於主菜，我揀咗墨西哥烤肉，可以揀雞肉、牛肉或者兩樣混合。我叫咗雞加牛混搭啦，鐵板上枱嗰下熱辣辣，香味已經飄晒過嚟，啲牛肉同雞肉燒得啱啱好，嫩滑又多汁。底下嗰啲青椒、紅椒、洋蔥嘅配菜都炒得好香。最正當然係用玉米餅包住啲肉，再加埋牛油果醬、酸奶油同蕃茄沙沙醬，一啖落肚濃郁又清新，真係食到停唔到口。最後仲試咗個蟹肉意粉，啲蟹肉唔係得少少嗰種，真係啖啖蟹，超滿足！配埋羅勒香蒜醬，好香好滑，完全係終極嘆享受。