影片
更多
2010-09-10
12 瀏覽
打算買杯果汁飲一飲，可以醒胃一點吧！但係，唔知道食咩好！沿永樂街行，見到呢間麵包店。麵包款算幾多，夠大又特別，令我眼花撩亂！吞拿魚冬甩 $6 冬甩包帶點脆！而且甜甜地，入面包住吞拿魚 & 磨菇絲；感覺幾特別，雖然外貌不揚，但係，三種食物嘅配搭，效果都唔差！不過，呢個包唔適合做早餐，因為比較油！磨菇雞薄餅 $9 起碼唔係平時食開嘅菠蘿、火腿、腸仔餡。磨菇雞薄餅餡唔算多，只係中間一堆仔；勝在薄餅夠大塊。磨菇大大塊，雞有點嚡！烘焗嘅時候，雞會收乾水份，加上雪藏雞難免嚡身；底係茄膏，面係薄薄嘅芝士，略嫌太少！芝士蒜蓉包 $6起初，我想夾煙肉包，見到隔離係芝士蒜蓉包，即時轉軚！兩者都係咸味包，煙肉通常比較咸，同埋呢度嘅煙肉包煙肉幾乾，況且煙肉係加工食物無咁健康！芝士蒜蓉包夠大個！可以滿足我嘅食慾之餘又滿足我嘅嗅覺！芝士味濃郁撲鼻，蒜蓉味只係閒角，完全被芝士味搶去！我發現好多時蒜蓉包都會有香草粒作點綴！亦可作調味用途！包身雖然大個，但係不失鬆軟！只係包底比較油，我用張抹手紙墊住嚟食，食完張紙都油哂！連隻手都無一倖免！栗子鮮奶球 $8以 $8 喺呢度嚟講屬於貴價麵包，除咗有餡之外，亦有番咁大個！淨係
但係，唔知道食咩好！沿永樂街行，見到呢間麵包店。
麵包款算幾多，夠大又特別，令我眼花撩亂！
吞拿魚冬甩 $6
冬甩包帶點脆！而且甜甜地，入面包住吞拿魚 & 磨菇絲；感覺幾特別，雖然外貌不揚，但係，三種食物嘅配搭，效果都唔差！不過，呢個包唔適合做早餐，因為比較油！
磨菇雞薄餅 $9
起碼唔係平時食開嘅菠蘿、火腿、腸仔餡。磨菇雞薄餅餡唔算多，只係中間一堆仔；勝在薄餅夠大塊。磨菇大大塊，雞有點嚡！烘焗嘅時候，雞會收乾水份，加上雪藏雞難免嚡身；底係茄膏，面係薄薄嘅芝士，略嫌太少！
芝士蒜蓉包 $6
起初，我想夾煙肉包，見到隔離係芝士蒜蓉包，即時轉軚！兩者都係咸味包，煙肉通常比較咸，同埋呢度嘅煙肉包煙肉幾乾，況且煙肉係加工食物無咁健康！
芝士蒜蓉包夠大個！可以滿足我嘅食慾之餘又滿足我嘅嗅覺！芝士味濃郁撲鼻，蒜蓉味只係閒角，完全被芝士味搶去！我發現好多時蒜蓉包都會有香草粒作點綴！亦可作調味用途！包身雖然大個，但係不失鬆軟！只係包底比較油，我用張抹手紙墊住嚟食，食完張紙都油哂！連隻手都無一倖免！
栗子鮮奶球 $8
以 $8 喺呢度嚟講屬於貴價麵包，除咗有餡之外，亦有番咁大個！淨係鮮奶球系列已經有幾款：鮮奶球、南瓜籽仁鮮奶球、朱古力鮮奶球、栗子鮮奶球等！款款都係圓形，唯獨係呢款橢圓形。栗子包喺好多麵包舖已經買少見少！遇著天氣熱，栗子餡好易變酸！可能係呢個原因，麵包舖唔想損失兼影響聲譽。呢個包大，唔等如入面好似波咁吹脹咗！只係咬一啖，已經見到栗子蓉！餡嘅份量適中；麵包密度亦高，食到我好飽！
不過，第二次我先發覺呢度嘅西餅跟連鎖店價錢相若，相對 size 比較遜色！ 除非味道吸引，否則，恐怕銷路慢.........！
張貼
