Boring?! (黃埔天地美食坊) (已結業)

行過見到餐廳最近換咗新餐牌，所以今晚嘅晚餐又有着落啦。〈溫泉蛋帶子黑松露沙律〉🥚🥗帶子大大粒,有稍為煎過,而溫泉蛋就開左少少蛋殼成隻擺咗沙律菜上面,賣相都幾精緻,味道亦都唔錯。〈焗酥皮龍蝦湯、巴黎牛油焗田螺〉🦞🫕🐚龍蝦湯都煮得好濃味，仲有幾嚿爽口龍蝦肉，不過不失，都值得一試。另外牛油焗田螺就擺喺蘑菇上面，賣相精緻，連埋薯蓉食，口感認真唔錯，推介！〈炭燒龍蝦龍蝦汁意粉〉🦞🍝開邊嘅龍蝦超大隻，龍蝦肉都好易起殼，啖啖肉。而龍蝦汁意粉就同龍蝦湯個味有啲相似，同個意粉嘅味道都好夾。〈灸燒安格斯牛小排牛肝菌意大利飯〉🥓🍛有驚喜！店員會喺客人面前用火槍將牛小排即場隻灸燒，客人可以揀半生熟或者全熟，有呢個環節已經值回票價，味道亦都好不錯，推介！〈 Blue Blood、Virgin Rose Lychee Mojito〉🍹🍸呢兩杯mocktail都幾清新，甜甜地，啱晒兩個女仔食西餐嘅時候飲。