Boy n Burger (已結業)

全城抗疫，今晚晚餐食外賣，去左灣仔莊士敦道既漢堡包店買外賣，我食過既友人話抵食同平靚正。餐牌有幾款漢堡，迷你漢堡，小食，炸雞同飲品。今次叫左兩個漢堡，兩份小食同兩支飲品。落單後，食物即叫即整。店員話呢度既食物質素經過嚴格管制。等左一陣就可以攞，勁快。墨西哥辣椒漢堡 $39墨西哥辣椒漢堡係新口味，係鬆軟漢堡包配一塊牛肉漢堡扒，熱熔芝士，墨西哥辣椒，洋蔥碎同墨西哥蛋黃醬，份量唔算大。墨西哥辣椒堅辣，成個漢堡食落少少辣，味道都唔錯，感覺唔太油膩。Bobby 漢堡 $58Bobby 漢堡係白芝麻粒漢堡包配雙層牛肉漢堡扒，熱熔芝士，本地新鮮生菜，番茄，洋蔥粒，自家醃製青瓜及自家秘製醬汁。牛肉漢堡扒煎得外皮脆脆地。本地新鮮生菜份量非常多。食落都唔會太乾。漢堡係用紙包好再放入紙盒，所以個包係較稔嗰種。香脆厚切薯條 $22香脆厚切薯條好好食，份量唔少，炸得外脆内軟，口感好好，仲可以走鹽，加茄汁非常好食，茄汁自己喺自助區㩒出黎。Chicken Thigh $26Chicken Thigh得一件，不過都大大件，塊皮炸得超脆口，少少辣，而入面既肉質都仲嫩。橙汁 $30橙汁係支裝，味道唔假，感覺非常健康。餐廳