牛牛日式火鍋放題 (海之戀商場) (已結業)

近日成日聽講啲餐廳生意唔好/好淡/要執笠，但位於荃灣西上蓋海之戀商場嘅呢一間牛牛殿堂日式火鍋放題人流非常多，今次試咗佢個C餐澳洲和牛，牛肉嘅質素水平唔錯，呢個餐比起A,B餐會多咗澳洲和牛；澳洲安格斯牛；極尚牛舌你揀，個人覺得和牛同牛舌係最好食😆另外仲有年糕福袋也非常好吃。出面有薯條薯餅等炸物，而點單亦有明太子炸蝦俾你揀，上枱係鮮炸非常熱辣辣好有誠意，另外點餐啲嘢都好快到，亦周不時會有侍應嚟收碟，服務都可算唔錯。出面自助吧有好多唔同嘅蔬菜類麵食供選擇，亦有一些熟食包括滷水，麻辣鴨血，不過可惜今次就冇見到燒鰻魚。湯底亦有八款選擇，比較特別有傳統山椒味噌鍋，味道唔辣，非常惹味，很推薦。今次非常好彩坐到窗邊卡位，望住海景嘆邊爐認真唔錯 👍