EXP

營業中

休息中

由於同朋友住喺唔同地區，相約喺中間點九龍塘一齊食下午茶，傾吓計！當然就係搵Cafe啦。我哋總共嗌咗兩款下午茶：1）雪糕+抹茶蛋撻非常好食！抹茶蛋撻表面有少少焦糖，剛好中和抹茶微微苦澀。所以配合上嚟食，完全唔會過甜，唔會太膩。蛋撻皮其實係類似酥皮，最厲害係，我哋坐咗個半鐘，酥皮依然非常脆口，唔會林晒。2）雪糕+cheese cake非常好食 x2！cheese cake就係唔會太甜，唔會一味太重芝士味！配埋雲呢拿雪糕一齊食，唔會過酸過甜。咖啡亦都一流！朋友點左黑咖啡，一放上枱，超香咖啡味！我就點咗Cappuccino，未到調校得剛剛好。亦好欣賞佢咖啡嘅溫度，不會過熱！