影片
更多
2016-03-11
1540 瀏覽
上環★Cafe Bauhinia有次睇雜誌比依間花店推出既下午茶吸引左，今日咁o岩朋友生日想搵個地方食teaset慶祝即刻諗起佢～其實本身揀左２間，不過打黎book位時店主態度勁親切就決定黎幫襯下佢～哈哈！上環ｂ出口行幾分鐘就到達新街市街，好容易就spot out到門口放左部綿羊仔又有２棵白雪雪假樹既cafe bauhinia。未入鋪頭已經透過落地玻璃隱約欣賞到入面綠意盎然又光猛既環境一身白色牆身白燈光，清楚突顯滿佈四周既綠色植物，再配埋果盞好搶眼既吊燈，舒服得黎好artistic空間寬敞，座位之間有一定距離。除左相中既黑色高枱，仲有一入cafe就見到果個比花草盆栽包圍住既並排雙人位，可以享受兩個人既小角落擰一擰頭仲就可以欣賞到左邊裝飾櫃上面既永恆玫瑰花我地就被安排左坐係近門口位置果3張雙人枱之一，張枱略嫌細左ｄ好彩之後隔離位走左可以佔用埋d枱櫈～ｈｅｅ....枱上面放左個插住真。大黃菊花既花瓶仔做裝飾，另外一坐低就有staff送上熱茶一早係電話訂左teaset，坐左陣張細枱就比件＂藝術品＂霸佔晒藍蝶花花世界下午茶（for 2 $368+10%）：賣相真係101分，又藍又紫又花又心勁f
有次睇雜誌比依間花店推出既下午茶吸引左，今日咁o岩朋友生日想搵個地方食teaset慶祝即刻諗起佢～其實本身揀左２間，不過打黎book位時店主態度勁親切就決定黎幫襯下佢～哈哈！
上環ｂ出口行幾分鐘就到達新街市街，好容易就spot out到門口放左部綿羊仔又有２棵白雪雪假樹既cafe bauhinia。未入鋪頭已經透過落地玻璃隱約欣賞到入面綠意盎然又光猛既環境
一身白色牆身白燈光，清楚突顯滿佈四周既綠色植物，再配埋果盞好搶眼既吊燈，舒服得黎好artistic
空間寬敞，座位之間有一定距離。除左相中既黑色高枱，仲有一入cafe就見到果個比花草盆栽包圍住既並排雙人位，可以享受兩個人既小角落擰一擰頭仲就可以欣賞到左邊裝飾櫃上面既永恆玫瑰花
我地就被安排左坐係近門口位置果3張雙人枱之一，張枱略嫌細左ｄ好彩之後隔離位走左可以佔用埋d枱櫈～ｈｅｅ....枱上面放左個插住真。大黃菊花既花瓶仔做裝飾，另外一坐低就有staff送上熱茶
一早係電話訂左teaset，坐左陣張細枱就比件＂藝術品＂霸佔晒藍蝶花花世界下午茶（for 2 $368+10%）：
藍蝶花花世界下午茶
$368
98 瀏覽
0 讚好
0 留言
同朋友仔一致認為個飲品藍碟花奶昔望落最吸引，滿心期待又好奇藍碟花到底係咩味？可惜飲落去同飲加左少少糖既牛奶無異，而且後來發現越飲越濟，大家都飲淨左...
Teaset只有3樣咸點：
- 蔬菜餅乾
- 煙三文魚三文治
- 黑松露雞醬批。
最突出係個黑松露雞醬批，黑松露好濃郁，咸左少少不過食完大量甜野後當中和下都幾好，另外外層既脆餅唔知係因為放耐左定點，偏硬身。
甜點就有7樣：
- S'More Dip in your heart ［棉花糖伴朱古力＆花生醬脆米配麥餅］>>最好襯熱食。。我地食果時已經攤凍左ｄ棉花糖好硬，下層既脆米點左朱古力＆花生醬都幾好味～不過麥餅得幾塊唔夠夾ｄ棉花糖，就咁食又甜得濟
- 紫薯藍碟花奶凍
- 紫薯cup cake
- 紫薯cookies
- 玫瑰花朱古力
- 紫薯藍碟花芝士餅
- 紫薯藍碟花酥皮
overall d甜品都係賣相比味道突出，同埋可能太多都係甜既，食食下舌頭都有d麻目左其實我地已經珍而重之留番d咸點，咸甜隔住食，不過最後都係食到好濟....
意想不到走之前有禮物收
漸變色日月杯：左手邊放左永恆玫瑰花１對，右手邊係店舖有售既心形棉花糖。
好似放左熱水個杯會變白色嫁～同朋友仔一人一隻留為紀念。埋單$405/2ppl。
整體黎講服務態度好好，只要你問staff/店主就會好熱心講解；環境治癒舒適，只係張枱食teaset就略為細左d；下午茶好靚但味道同咸甜比列有待改善。
題外話/補充資料：
到達果時見到有人係到影緊相，一問之下原來cafe將會推出以粉紅色櫻花做主題既下午茶！店主介紹果時都聽得出佢有就今期個藍蝶花下午茶既反應而係新teaset做番d調整，咁有心希望佢地會越做越好啦：）
(以上食評乃用戶個人意見 , 並不代表OpenRice之觀點。)
張貼
