影片
更多
2020-08-04
529 瀏覽
即將暫別中環辦公室, 明天要遠赴疫情相對險峻的應變中心上班, 由於日日都在中環食晏, 但今日過後, 相信要等重光才可回來怕且有一大段時間, 所以就肆意放食, 行到邊度就食到邊度啦, 首先經過無冷氣嘅大排檔, 老闆娘話仲有一隻炸🐔脾, 好啦, 見佢盛意拳拳, 上檯時話隻🐔脾唔係幾大, 搭多半件🐔扒, 再送多隻煎🥚放响飯面添, 先食🐔扒, 味道唔錯, 醃得幾好, 點知隻🐔脾咬落完全無味, 我唯有輕吻佢多一次便告別, 五分鐘後鏡頭一轉, 我已坐在一間餐廳柯打咗碗魚蛋粉, 上到檯, 但見湯色泛白, 啖落帶有胡椒香, 只係唔夠鹹, 配河粉就嫌味道有啲寡, 魚蛋唔會只得個爽字, 魚蛋有魚味, 應該呀, 食哂啲魚蛋, 飲多兩啖湯, 又係時間同啲河粉講拜拜, 行出餐廳只覺意猶未盡, 企响門口度就好似孤獨五郎上身咁, 再食咩好呢？行吓行吓見到一間年前曾經中伏過嘅粥麵專門店, 突然想食水餃, 心諗叫碗淨水餃咪避開啲陷阱囉, 一上檯, 即刻試啖湯先, 果然預料之內, 無期望就無失望, 浮响湯面嘅韮黃食落脆口, 加返少少分數, 到食主角水餃, 哎😞。。。, 恕我粗鄙啲去形容, 有如用一個尺碼36D胸圍, 包住
張貼