粵 (香港黃金海岸酒店)

營業中

休息中

我係Chef Jacky Wu 的小fans。知道佢去左黃金海岸酒店，當然要去支持下啦！一直以來我最欣賞鄔師傅既叉燒，不過今次冇食叉燒，試左佢chef’s recommendation 既菜式。- 黃燒濃汁津白卷惹味蝦球- 火焰桂花風鱔球- 話梅玉桂酥香肉排配自家醃子薑特別講講個鱔，未開錫紙已經聞到桂花味，一開見到d鱔就知佢好脆，一咬落去，魚肉彈牙！甜甜地，好出色。另外想講講個頭盤乳豬同埋d湯。頭盤個乳豬中間夾左french foie gras，底部有鍋巴，又脆又滑，配搭得好好，加入少少西式材料而又不失中菜既係根本，唔太花巧，係我欣賞師傅既地方。湯，我揀左白雞湯，今次我唔係第一次飲師傅嘅白雞湯，食得出用料同之前的有分別，不過完全冇失準，依然好香濃，膠質豐富。諗起都好想再飲。個甜品花生騷亦都好特別，我未食過類似既花生騷，好難形容。招呼都好好，侍應笑容親切，其實我好鍾意黃金海岸，不過有d遠，以後就有個藉口多d去啦。