影片
更多
2020-11-08
65 瀏覽
聽聞人氣cafe桔梗係牛頭角開咗間姊妹店Lagom，呢日本身諗住去試下，不過實在太多人所以放棄咗，誤打誤撞轉戰呢間附近既Tapa Room，原來係銅鑼灣都有分店，主打唔同冷熱既西班牙Tapas同菜式，裝修貫徹酒吧格局，啱晒附近上班族嚟Happy hour食下tapas摸下酒杯底。薄切慢煮八爪魚八爪魚薄薄一片，口感偏腍唔會韌，面頭醬汁有橄欖油、番茄等，酸酸甜甜，做前菜一流。檸汁白酒煮蜆除咗檸檬仲有啲好特別既香草味，啲蜆稍為細隻咗少少，不過都算幾新鮮，連埋啲洋蔥一齊食，多種層次感。太陽蛋、西班牙火腿、炸薯條薯條推介！🤤🤤🤤熱辣辣既薯條炸得剛剛好，完全詮釋緊外脆內軟既口感，啲薯仔好粉好有薯香，點埋太陽蛋既蛋汁同附送既蛋黃醬，仲有炸到脆卜卜既火腿，好香口。西班牙海鮮鍋飯（二人份）佢同傳統既西班牙海鮮飯有少少分別，分別在於面頭多咗啲蛋黃醬令到成個飯更香，海鮮有蝦、魷魚、青口等，份量頗多，尤其啲蝦好大隻仲有唔少蝦膏😻😻😻，個飯煙煙靱靱口感唔錯。炸蕃薯條配是拉差蒜蓉蛋黃醬蕃薯條同樣好出色，切得比較幼細，外面炸至微脆，咬落好粉，充滿蕃薯香甜味，配埋微辣有蒜蓉香既是拉差蛋黃醬，鹹鹹甜甜好特別😛😛😛。炸西
薄切慢煮八爪魚
八爪魚薄薄一片，口感偏腍唔會韌，面頭醬汁有橄欖油、番茄等，酸酸甜甜，做前菜一流。
檸汁白酒煮蜆
除咗檸檬仲有啲好特別既香草味，啲蜆稍為細隻咗少少，不過都算幾新鮮，連埋啲洋蔥一齊食，多種層次感。
太陽蛋、西班牙火腿、炸薯條
薯條推介！🤤🤤🤤熱辣辣既薯條炸得剛剛好，完全詮釋緊外脆內軟既口感，啲薯仔好粉好有薯香，點埋太陽蛋既蛋汁同附送既蛋黃醬，仲有炸到脆卜卜既火腿，好香口。
西班牙海鮮鍋飯（二人份）
佢同傳統既西班牙海鮮飯有少少分別，分別在於面頭多咗啲蛋黃醬令到成個飯更香，海鮮有蝦、魷魚、青口等，份量頗多，尤其啲蝦好大隻仲有唔少蝦膏😻😻😻，個飯煙煙靱靱口感唔錯。
炸蕃薯條配是拉差蒜蓉蛋黃醬
蕃薯條同樣好出色，切得比較幼細，外面炸至微脆，咬落好粉，充滿蕃薯香甜味，配埋微辣有蒜蓉香既是拉差蛋黃醬，鹹鹹甜甜好特別😛😛😛。
炸西班牙油條配朱古力醬
呢個西班牙傳統小食churros就失色咗少少，上枱時已經唔熱，如果熱辣辣咁食就會更好。
人均消費：$120
推介指數（10分為滿分）：8.5分
Tapa Room
觀塘觀塘道348號國際貿易中心地下G02號舖
張貼
