影片
更多
2023-11-13
1238 瀏覽
响Megabox那邊辦完事， 百無聊賴周圍行下👣，行到零碳天地，想坐下食下嘢，又唔想响太多人嘅Megabox度逗留，Google search下，發現原來正對嘅國際交易中心都有幾間餐廳，於是行過去睇下👀，就發現呢間餐廳，位置响正平台，所以有個好chill嘅露天座位同時又有個裝修得好典雅嘅室內位置，於是就入去試下😋Dinner set包咗餐湯🥣/沙律🥗、主菜🥩、甜品🍰及餐飲☕️，價格以主菜而定🥣餐湯 混合着香甜濃郁南瓜及甘筍嘅味道，非常creamy幼滑🐡主菜-是日魚扒$248 用上阿拉斯加三文魚，魚扒大件又厚身👍，肉質比一般嘅三文魚較厚實，魚味較濃，以照燒方法去烹調，燒得剛剛好，邊位香脆而內裡juicy，肥美鮮香😋，面頭灑上芝麻及蔥花，增添味道，並配上大量蔬菜🥬，有甘筍仔、西蘭花及邊豆，蔬菜亦有着濃香嘅牛油味，至於飯方面係用上藜麥飯，藜麥富口感，比淨食白飯多份層次👍🍰甜品-芝士蛋糕估唔到餐後嘅蛋糕有咁大件🤩，濃郁芝士香🧀，質地細滑綿密，但唔會太甜，食完成份餐再食呢個蛋糕都綽綽有餘，完全唔覺膩滯☕️餐飲-熱檸茶食完咁美味嘅晚餐再飲番杯熱檸茶，非常之嘆今次晚餐獨享一人之境覺得好嘆好relax，又
响Megabox那邊辦完事， 百無聊賴周圍行下👣，行到零碳天地，想坐下食下嘢，又唔想响太多人嘅Megabox度逗留，Google search下，發現原來正對嘅國際交易中心都有幾間餐廳，於是行過去睇下👀，就發現呢間餐廳，位置响正平台，所以有個好chill嘅露天座位同時又有個裝修得好典雅嘅室內位置，於是就入去試下😋
Dinner set包咗餐湯🥣/沙律🥗、主菜🥩、甜品🍰及餐飲☕️，價格以主菜而定
🥣餐湯
混合着香甜濃郁南瓜及甘筍嘅味道，非常creamy幼滑
🐡主菜-是日魚扒$248
用上阿拉斯加三文魚，魚扒大件又厚身👍，肉質比一般嘅三文魚較厚實，魚味較濃，以照燒方法去烹調，燒得剛剛好，邊位香脆而內裡juicy，肥美鮮香😋，面頭灑上芝麻及蔥花，增添味道，並配上大量蔬菜🥬，有甘筍仔、西蘭花及邊豆，蔬菜亦有着濃香嘅牛油味，至於飯方面係用上藜麥飯，藜麥富口感，比淨食白飯多份層次👍
🍰甜品-芝士蛋糕
估唔到餐後嘅蛋糕有咁大件🤩，濃郁芝士香🧀，質地細滑綿密，但唔會太甜，食完成份餐再食呢個蛋糕都綽綽有餘，完全唔覺膩滯
☕️餐飲-熱檸茶
食完咁美味嘅晚餐再飲番杯熱檸茶，非常之嘆
今次晚餐獨享一人之境覺得好嘆好relax，又唔限時，同老闆仲好好傾添😃
見佢哋個餐牌仲有好多款菜式，樣樣都想試，一於約埋班friend下次响度聚會先🥰
張貼
