甜牙牙

營業中

休息中

同朋友食個簡單晚飯, 唔夠喉, 諗住食個甜品~附近見到呢間甜牙牙, 見有位就入去lu~餐廳入面已經有好多聖誕裝飾, 好有氣氛!我同朋友都係鍾意食朱古力之人, 所以叫左2款都係朱古力既甜品~但呢度都有好多唔同系列既甜品選擇架!朱古力窩夫賣相好吸引, 仲有4球雪糕, 好足料!窩夫食落口有好香濃朱古力味, 而且外脆內軟的~!除左雪糕同cream, 仲有其他配料. 有oreo, 可可球同埋D酥餅碎, 口感一流!心太軟切開佢, 入面既朱古力漿慢慢流出, 我地都流哂口水了!~ 雖然入面有滿滿既朱古力漿, 但食落唔會覺得好甜膩~配埋雪糕食, 正!好滿足!同朋友預早過個甜蜜聖誕~