The Chop House (已結業)

星期六搵個舒服嘅地方一邊食嘢一邊同朋友談天說地真係好鬼滿足! 今日嚟嘅CHOP HOUSE唔算多人, 又可以靜靜地咁傾計..呢度有OPEN SEATING, 不過是日天氣寒冷, 連室內都開暖爐比小朋友, 下次有機會先再坐OPEN SEATING啦~ 室內有部份係卡位SOFA, 非常寬敞. 先嚟魷魚圈, 炸漿薄, 一D都唔油膩, 話咁快就放晒響個肚裡面啦! 接住係mussels mariniere, 青口好嫩滑, 白酒, 蒜香同香草配合得恰到好處. 至於個 mixed grill platter 有tenderloin, 羊架, 羊肉香腸, tenderloin略為熟咗一D, 我比較喜歡5成熟, 羊架就煮得剛好, 帶一點香香羊騷味, 至於羊肉香腸就不過不失, 羊味唔夠突出, 而配肉嘅3種醬汁其中一種係粒粒紅菜頭, 帶點點酸甜, 幾好味. 飲品就永遠係最賺錢架啦, cocktail $80-$110啦, 我杯cool mint 就$75, 都算OK啦, lychee味囉…所以傾吓計, 飲多兩杯嘢平均每人都要$500-$600…都幾富貴嘅lunch呀!