影片
更多
2023-06-12
1267 瀏覽
首先野食難食係大罪。我地4個人叫左4個餐，當中最貴個個牛肉拼盤$158最為垃圾。骰子牛成舊冰咁打落去框框聲，未解凍到上面有冰可以掃到落黎；牛舌望落唔差但係食落口簡直好似食緊油咁0牛味；仲有另外兩舊唔知係咩嘅牛，都係無牛味同埋望落唔新鮮。最好食係最平$68嘅A餐牛五花，叫做有味可以食下咁，其他都係又韌又無味(無牛味無調味)，成舊擦紙膠咁。自助吧嘅湯成啖味精味，飲水好過。成間鋪頭最好食係自助攞嘅甜品macaron，不過細舊到一節手指公都無，真系滴汗。—。；其次服務態度差罪加一等。一開始講左60分鐘限時，然後我地攞左menu睇下食咩先。期間店員一直企係隔離無走過，係咁sell我地食放題，但係由於真係食唔落，珍惜食物我地都係揀左套餐。估唔到一掃QR code，全部最平最少我地食得落嘅全部售罄。第一次落單唯有焗住揀左個貴啲嘅，跟著再落多次，姨？突然間全部唔售罄啦？全部套餐可以揀返曬。咁樣嘅銷售手法係咪恰當既呢？最後用餐體驗極度唔好，令到成個人食得超有壓力唔舒服。仲未食完啲人已經快快手幫你執曬啲嘢走，限時仲有10分鐘嘅時候比左單叫我地埋，埋完之後間舖都算空，仲有成排檯無咩人想坐多陣已經比人趕走，好
成間鋪頭最好食係自助攞嘅甜品macaron，不過細舊到一節手指公都無，真系滴汗。—。；
其次服務態度差罪加一等。一開始講左60分鐘限時，然後我地攞左menu睇下食咩先。期間店員一直企係隔離無走過，係咁sell我地食放題，但係由於真係食唔落，珍惜食物我地都係揀左套餐。估唔到一掃QR code，全部最平最少我地食得落嘅全部售罄。第一次落單唯有焗住揀左個貴啲嘅，跟著再落多次，姨？突然間全部唔售罄啦？全部套餐可以揀返曬。咁樣嘅銷售手法係咪恰當既呢？
最後用餐體驗極度唔好，令到成個人食得超有壓力唔舒服。仲未食完啲人已經快快手幫你執曬啲嘢走，限時仲有10分鐘嘅時候比左單叫我地埋，埋完之後間舖都算空，仲有成排檯無咩人想坐多陣已經比人趕走，好似阻住佢地做生意咁，明明就無咩生意仲趕客。係食嘢嘅途中係咁feel到有人啤住我地，一望上去4個職員包括經理望住我地細細聲討論緊，Hello？俾啲尊重好嗎？請問有無員工訓練過？對客基本尊重要有？
總括而言成個用餐體驗可謂垃圾，伏到無得再伏，千七唔好為gimmick去試，去第二度容乜易食到比佢好食抵食10倍嘅餐廳。
張貼