影片
更多
2019-11-11
306 瀏覽
周末和父母食晚飯，揀左佢地最喜歡的泰菜，上左開飯網查查發現此店評分甚高，唔駛特登出九龍城食泰菜近近地就去左一試，原來係堅料好味抵食指數滿分，全部係泰廚主理質素有保證。開業三年依家先發現咁正的泰菜，相信未來日子這裡是我家的飯堂。此店位於得寶商場內，平時好日都唔入去該商場，但交通就真係方便的。餐廳外觀花了不少心思，如店其名曼谷車站，外圍被列車圍繞，連車廂卡位都做到十足十，相當有特色。我地晚上７點到達餐廳近乎滿座，見場內盡頭坐了兩大班人，該位置好適合大班人聚餐應付廿人都綽綽有餘，聚餐點又多一個好選擇。餐牌菜式選擇多，但就無圖無相，點了5樣野埋單唔駛加一，三人食三百蚊有找相當抵食。串燒半打 $68雞牛豬各兩串，肉質嫩口燒得唔燶，沙嗲醬係重點沾了非常惹味好食。炸蝦餅 $58外皮酥脆咬落彈牙，蝦餅肉唔粉真材實料，預先剪開半件半件，唔駛大啖咬食落方便相當貼心，係必點小食。正宗泰式海南雞飯(無骨) $68份量十足，雞肉起左骨食落啖啖肉。雞皮幾厚但就唔見有油脂，肉質嫩有雞味，有三色醬可點個人喜歡薑蓉。黃油飯味道一般，飯粒粒分明口感煙韌，食落無乜油膩感。泰式炒金邊粉 $62金邊粉口感煙韌炒得乾身，味道酸酸
餐廳外觀花了不少心思，如店其名曼谷車站，外圍被列車圍繞，連車廂卡位都做到十足十，相當有特色。
我地晚上７點到達餐廳近乎滿座，見場內盡頭坐了兩大班人，該位置好適合大班人聚餐應付廿人都綽綽有餘，聚餐點又多一個好選擇。
餐牌菜式選擇多，但就無圖無相，點了5樣野埋單唔駛加一，三人食三百蚊有找相當抵食。
串燒半打 $68
雞牛豬各兩串，肉質嫩口燒得唔燶，沙嗲醬係重點沾了非常惹味好食。
串燒半打
$68
27 瀏覽
0 讚好
0 留言
炸蝦餅 $58
外皮酥脆咬落彈牙，蝦餅肉唔粉真材實料，預先剪開半件半件，唔駛大啖咬食落方便相當貼心，係必點小食。
炸蝦餅
$58
36 瀏覽
0 讚好
0 留言
正宗泰式海南雞飯(無骨) $68
份量十足，雞肉起左骨食落啖啖肉。雞皮幾厚但就唔見有油脂，肉質嫩有雞味，有三色醬可點個人喜歡薑蓉。黃油飯味道一般，飯粒粒分明口感煙韌，食落無乜油膩感。
正宗泰式海南雞飯(無骨)
$68
20 瀏覽
0 讚好
0 留言
泰式炒金邊粉 $62
金邊粉口感煙韌炒得乾身，味道酸酸甜甜好開胃好味，有爽口彈牙鮮蝦三隻、蛋絲、芽菜、豆腐乾絲等，配料十足口感味道豐富。撈埋花生碎非常香口，有水準之作非常值得推介。
泰式炒金邊粉
$62
96 瀏覽
0 讚好
0 留言
青檸梳打 $23
來自泰國的勝獅梳打水，氣泡持久勁多氣，加入青檸片瞬即成泰式飲品，清清地唔錯。
青檸梳打
$23
23 瀏覽
0 讚好
0 留言
埋單時情不自禁偷偷望下隔離枱食乜，見到燒雞、生菜包、炒椰菜苗、咖哩炒蟹等，賣相相當吸引，有隔離飯香之感，下次要全家人來食過痛快至得。
張貼
