燒味滷師 (富榮花園) (已結業)

嘩，富榮花園都新開左燒味滷師 ，之前試過其他分店，屋企人都覺得性價比超高，街坊價之餘又幾好食。睇下係唔係同之前一樣咁抵先，係既話就買返去加餸先。價錢無變一樣咁抵，食物擺放又衞生，全部都有野包住或者冚住。至尊燒鵝我鐘意燒鵝既上庄，多啲肉食，啖啖肉，皮脆肉嫩。燒味佬叉燒要左半斤叉燒40蚊半斤，算平啦。叉燒好好食，半肥瘦，好腍好好食。客家鹽焗雞雞肉嫩，有咸香味，唔點醬已經好好食。泰式鳳爪屋企人好鐘意食鳳爪，特別買盒比佢食，佢食到舐舐脷。