盛八日式燒肉放題店 (已結業)

今次係我第一次去盛八食晚餐，之前聽過佢個名都仲未係燒肉放題，不過見今次有團購就一於試下。準時五點半上到去，誤以為去廁所條隊係等入座個條，因為兩個地方距離好近，即係廁所係門口旁邊。我地一行四人坐卡位，都唔錯，算叫做隔開其他人可以同朋友傾到計。抽油煙力度都好足，唔會話成間舖都好大油煙味，餐具都唔會油膩。實在係好怕入到去會好似迷霧森林咁…好彩…野食質素都唔要求咁高啦，畢竟係放題，唔算難食放到入口就可以啦。不過上菜同收碟速度好慢，而且又成日比唔足份量(除左熟食係因為用碟計所以上足之外)，冇一樣係寫幾多黎幾多。寫份量4同1係完全冇分別，好彩遇到個侍應落錯人地個碟ge咪可以食多d囉。佢一開始有問加唔加多五十將送個碟澳牛轉和牛，食完之後我地都好慶幸冇加到，因為澳牛其實已經夠食，質素都唔錯，如果冇特別嘴勺人士係唔需要加都可以接受。至於飲品就差少少，都算叫細杯，因為係普通茶餐廳個d闊身矮杯，成日飲就太快要續杯。而且佢個三款自家調製飲品都唔算好突出，基本上就算唔係一齊放入口都分唔到三款，不過都算解渴同令燒肉冇咁油。其實叫到第二輪已經覺得冇咩好再食，不過蜆同大啡菇都係狂叫名單首選，只可惜每次叫番黎份量參差，