影片
更多
2022-08-10
46 瀏覽
今日同朋友喺旺角行街，好耐都無上銀城商場啲舖頭仔行下，於是就上咗去，原來銀城商場樓上有好多食肆，上網見到有間西餐廳，網上評論唔錯，環境都幾舒服，裝修得幾有情調，就一於入咗去試吓一坐低餐廳就會送一碟餐前小食，係個脆片個脆片都做得幾出色，好香脆似雲吞皮，眨吓眼就食完見到Menu除咗單點嘅食物，仲有dinner set可以選擇，由於今日想知下佢嘅招牌菜，所以就無叫到dinner set🔥火焰脆燒德國鹹豬手 $288今日叫左餐廳招牌菜，上菜時店員會喺你面前淋上酒精再點火，先滿足一下你的視覺效果，影完相打卡之後，店員就會拎返隻豬手入廚房幫切豬手經過火燒，外皮燒到好香脆，食落嗦嗦聲，肉質亦都係一層肥膏一層瘦肉，所以豬手一啲都唔乾身，點埋蜜糖芥末醬一齊食就更加match，旁邊仲有酸菜可以解下油膩感🔥芝士溫泉蛋焗牛脷薯粒 $138芝士非常多，上面仲放咗一隻溫泉蛋，薯粒本身已經炸到好香脆，點埋芝士同埋溫泉蛋一齊食好夾，牛脷份量都非常多，牛味重，燒到好香口🔥溫泉蛋菠菜大啡菇 $88叫咗咁多樣肥膩嘅食物，就叫左個啡菇解下膩，一切開溫泉蛋蛋漿流晒出嚟，同菠菜一齊食非常creamy，啡菇好厚身，配上黑醋汁沙律菜
一坐低餐廳就會送一碟餐前小食，係個脆片
個脆片都做得幾出色，好香脆似雲吞皮，眨吓眼就食完
見到Menu除咗單點嘅食物，仲有dinner set可以選擇，由於今日想知下佢嘅招牌菜，所以就無叫到dinner set
🔥火焰脆燒德國鹹豬手 $288
今日叫左餐廳招牌菜，上菜時店員會喺你面前淋上酒精再點火，先滿足一下你的視覺效果，影完相打卡之後，店員就會拎返隻豬手入廚房幫切
豬手經過火燒，外皮燒到好香脆，食落嗦嗦聲，肉質亦都係一層肥膏一層瘦肉，所以豬手一啲都唔乾身，點埋蜜糖芥末醬一齊食就更加match，旁邊仲有酸菜可以解下油膩感
🔥芝士溫泉蛋焗牛脷薯粒 $138
芝士非常多，上面仲放咗一隻溫泉蛋，薯粒本身已經炸到好香脆，點埋芝士同埋溫泉蛋一齊食好夾，牛脷份量都非常多，牛味重，燒到好香口
🔥溫泉蛋菠菜大啡菇 $88
叫咗咁多樣肥膩嘅食物，就叫左個啡菇解下膩，一切開溫泉蛋蛋漿流晒出嚟，同菠菜一齊食非常creamy，啡菇好厚身，配上黑醋汁沙律菜食一流
總括嚟講，呢間餐廳方便又就腳，可以約埋一班朋友一齊過嚟食飯，食物質素亦都有保證，會再嚟encore
張貼
